Rusia nis stërvitje ushtarake në Detin Baltik, mes tensioneve me fqinjët evropianë

Rusia ka njoftuar sot se ka nisur stërvitje ushtarake në Detin Baltik, mes tensioneve në rritje me fqinjët e saj evropianë rreth konfliktit në Ukrainë.

Rusia, raporton RFE, mban rregullisht ushtrime detare në Detin Baltik, shpesh në kundërpërgjigje ndaj stërvitjeve ushtarake të NATO-s në zonë.

Marina ruse ka luajtur një rol kyç në luftën e Moskës kundër Ukrainës, duke goditur vendin e mbështetur nga Perëndimi me raketa lundruese të lëshuara nga anijet dhe nëndetëset, përveç me armë të tjera.

“Ushtrimet detare Mburoja e Oqeanit-2023 kanë nisur në Detin Baltik,” ka bërë të ditur ministria ruse e Mbrojtjes, nëpërmjet një komunikate, raporton AFP.

Rusia ka njoftuar se 30 luftanije dhe varka, si dhe 20 lundra të tjera mbështetëse, do të marrin pjesë në manovra, bashkë me 6.000 ushtarakë.

Gjatë stërvitjeve ushtarake, raporton RFE,marina ruse do të ushtrojë mbrojtjen e rrugëve detare, transportimin e trupave dhe ngarkesave ushtarake, dhe mbrojtjen e vijës bregdetare, thuhet në komunikatën e ministrisë ruse.

“Planifikohet kryerja e mbi 200 ushtrimeve luftarake, ku do të përfshihet edhe përdorimi i armëve”, kanë bërë të ditur autoritetet ruse.