Panariti ironizon Ramën: Nuk kemi Akademi Shkencash, por krijuam atë të fshatit…

Edmond Panariti, deputet i LSI-së, përmes një postimi në rrjet, ka ironizuar kryeministrin Edi Rama, lidhur me projektin “Akademia e 100 fshatrave”.

Panariti shkruan se në këtë vend nuk ka Akademi Shkencash do të ketë Akademi të fshatit.

Postimi plotë

E padëgjuar…..?! Një vend që nuk ka Akademi të Shkencave, do të ketë Akademi të fshatit!!!

Kjo ishte “tymuesja” më e fundit e ofertës rurale!!! Erdhi edhe ky “Inovacion” pasi i harruan ato që thanë për “pikat” “pikëcudibërëse” të ndihmës për fermerin dhe agrobiznesin , pasi u “treten” paratë e granteve dhe fondet e dëmshpërblimeve?!

 Por fermeri i braktisur, i pa mbështetur, i rrënuar, mbetur edhe pa agronom, pa veteriner, pa shërbime të këshillimit të asgjesuara sa hap e mbyll sytë, nuk ka nevojë as për “kallauz” dhe as për platforma e modele zhvillimi të sajuara.

 Ato,  ai i di, shumë më mirë se Akademia” dhe akademikët, sepse i ka parë, prekur dhe krijuar “dora vetë”, nga puna dhe rropatja në emigracion, kryesisht në bujqësi e blegtori.

E nuk ka nevojë tja tregojë kush! Atij i duhen vetëm fonde, rrugë, ujësjellës, kanale dhe shërbime, të cilat nuk i sheh dhe nuk duken gjekundi.