Drejtësia më kriminale se krimi! Berisha: Sot, krimi është i lartësuar në nivel kryeministri!

Krimi sot, i lartësuar në pushtet në nivel kryeministri, është i aftë të kalojë në parlament çdo ligj, tha Kryetari i Partisë Demokratike, Sali Berisha, duke akuzuar Qeverinë Rama për lidhje me bandat e krimit të organizuar në Shqipëri.

“Krimi sot është i aftë të marrë në qeveri çdo vendim, është i aftë të përcaktojë çdo tender, është i aftë të përcaktojë çdo emërim, është i aftë të nxjerrë çdo leje dhe licencë, është i aftë të eliminojë çdo kundërshtar,” tha Sali Berisha gjatë fjalës së tij në tryezën e debatit “Pushteti i Krimit” duke ngritë alarmin se sot, shqiptarët, si kurrë në historinë e tyre, që kur është themeluar shteti, fëmijët e tyre, qenia e tyre, ekonomia e tyre, është e tëra në duart e krimit.

“Po drejtësia si është? Më kriminale se krimi. Lexuat ju për Xhevahirin, i cili shkonte dhe lironte Behar Bajrin, pasi kishte vrarë të fejuarën 15-vjeçare. Ky sistem i drejtësisë politikë është plot Xhevahirë. A nuk është Xhevahir ai që amniston Ilir Beqajn?” – tha Kryetari i Partisë Demokratike duke folë edhe për prokuror që nuk ngrehin padi ndaj McGonigal, por çfarë do thonë këta prokurorë, kur McGonigal pas dy javësh të pranojë fajin edhe për Shqipërinë!

Në fund, çfarë mbetet atëherë? Mbetet qëndrimi i qytetarëve. Mbetet guximi i qytetarëve. Mbetet qëndrimi i opozitës, mbetet guximi i opozitës, tha Kryetari i Partisë Demokratike, Sali Berisha, duke e mbyll fjalën me thirrjen:

“Të qëndrojmë në front të fuqishëm, për të ndërprerë këtë rreth vicioz fatal ku krimi shndërrohet në votë dhe vota në krim.”

Deklaratë

Faleminderit për praninë sot tuaj këtu. Në vitin 2013 me ndërrimin e pushtetit, ditën e inagurimit të qeverisë i jam drejtuar Edi Ramës me këto fjalë: Lidhjet me krimin janë universale dhe universalisht të njohura, dhe çdo gjë. Por shqiptarët amnistuan, sepse votuan, dhe çdo gjë, fati i kësaj shoqërie do përcaktohet nga qendrimi që ti do mbash ndaj lidhjeve me krimin.

Do t’i presësh ato, do të jetë interesi yt më i mirë. Interesi më i mirë i shqoërisë shqiptare dhe Shqipërisë. Do t’i vazhdosh ato duke qenë kryeministër. Do të jetë kjo katastrofa e vërtetë kombëtare për shqiptarët.

E vërteta është që, kur unë i thashë në atë kohë Edi Ramës se lidhjet tuaja me krimin janë universale dhe universalisht të njohura, i thashë atij një të ëvërtetë, sepse në të shumtën e rasteve ishte i vetmi kryetar i bashkisë në botë, që në vend të mbrojtjes nga garda merrte serial killer dhe vrasës trafikantë, si mburojë, si mbrojtje.

Madje për të të zyrtarizuar çdo gjë bëra një vendim të Këshillit të Ministrave ku kryetarin e Bashkisë së Tiranës e vendosa në trajtim të veçantë më shumë se ministrat, se në atë kohë një pjesë e ministrave nuk kishin mbrojtje nga garda.

Por, koha provoi që pas 10 vitesh për shkak të përhapjes së tmerrshme së ortakërisë së ngushtë, shoqëria shqiptare ndodhet në prag të një vetvrasjeje, jo në katastrofë, por në prag të një vetvrasje për shkak të krimit.

Sot, vendmarrësi absolut me distancë në këtë vend është krimi, krimi dhe krimi tri herë.

Krimi sot, i lartësuar në pushtet në nivel kryeministri është i aftë të kalojë në parlament çdo ligj, është i aftë të marrë në qeveri çdo vendim, është i aftë të përcaktojë çdo tendet. Është i aftë të përcaktojë çdo emërim. Është i aftë të nxjerrë çdo leje dhe licencë. Është i aftë të eleminojë çdo kundërshtar.

Sot shqiptarët, si kurrë në historinë e tyre që kur është themeluar shteti, fëmijët e tyre, qenia e tyre, ekonomia e tyre, fati i tyre është i tëri në duart e krimit.

Rezultatet e regjistrimeve të SKY ECC dhe EnchroChat, etj., kanë bërë autopsinë e këtij krimi, por ai ka qenë i njohur për të, shumë i njohur.

Në qoftë se marrim Pëllumb Gjokën, baronin e drogës dhe të vrasjeve, mikun për kokë të Edi Ramës, qytetarët e thjeshtë, të gjitha ato pothuaj, sigurisht nuk ka kapur telefonatat që bënte me Denis dhe me Behar Bajrin, por kanë ditur e dinë që ka bërë vrasje për të marrë tokën në Velipojë, e dinë që ka shkelmuar vendimet e gjykatave për të marrë pronat. E kanë ditur, e kanë denoncuar që për një motel, Edi Rama që drekonte dhe darkonte me të, ia shpallte si hotel me pesë yje për t’i dhënë së bashku me Oltin dhe llucën e tij licensën e kazinosë.

Shqiptarët i kanë denoncuar këto, nuk kanë heshtur.

Ai që quhet qytetar digjital, dhe që është qytetar real, i guximshëm, e vërteta është që i i ka denoncuar të gjitha. Me gjithë këto denoncime, Pëllumb Gjoka jo që nuk lëkundej, dhe ju garantoj që nuk është më i madhi Pëllumb Gjoka, jo, është një bos i fuiqshëm i krimit të organizuar, Por Edi Rama ka lejtnantë të tjera më të fortë, më të fuqishëm se Pëllumb Gjokën dhe vet është në krye. Pëllumb Gjoka merr titullin, shpërblimin e investitorit strategjik.

Shoqëria shqiptare duhet të reagojë, përndryshe është në suicid. Opozita shqiptare duhet të reagojë, përndryshe është në suicid. Është në një rreth fatal, ku vota shndërrohet në krim dhe krimi shndërrohet në votë.

Nuk ka për një komb hanxhar mbi qafën e tij më të mprehtë e më të rrezikshëm se sa ky hanxhar. Ju e dini, nuk ka nevojë të jap shembuj, por Bajrët me Pëllumb Gjokën, vendosën Shkodrën në pushtim të plotë.

U lirua nga burgu Safeti, u bashkuan të gjithë, terrorizonin Shkodrën me në krye ministren Spiropali të dërguarën e Edi Ramës. Po Spiropali ishte një zbatuese e porosive, kurse fijet e Bajrëve çonin te Taulant Balla dhe Edi Rama. Fijet e Pëllumb Gjokës ishin direkt te Edi Rama. Fijet e bandave të Laçit direkt te Edi Rama. Ballave të Beratit direkt te Edi Rama. Ballave të Elbasanit direkt te Edi Rama.

Çfarë ndodhi me dorëzimin e një pjese të transkriptimeve të shërbimeve të inteligjencës franceze, belge, holandeze dhe pjesërisht britanike?

Një shtrëngim ekstrem i radhëve të krimit. Edi Rama emëron në krye të ministrisë personin pikërisht që është i interceptuar, duke ndërsyer banditët kundër kundërshtarëve politikë me regjistrime, Taulant Ballën.

Emëron Taulant Ballën, i cili jo vetëm në telefonat e kriptuar, por edhe në telefonat megafon, se dalin të gjitha, të organeve ligjzbatuese të Shqipërisë, është i regjistruar në të gjitha variantet. Është politikani më i regjistruar në të gjitha variantet, duke komanduar bandat, duke porositur vrasjet. Që i shkatërrohen përgjimet me vendim gjykate dhe prokurori, sepse ishte në regjistrim. Është i denoncuar në sallën e gjyqit si një njeri që është angazhuar në porosi vrasje.

Ndodhi ngjarja e 21 prillit, Ardi Veliu, një nga bajlozët më të zi të krimit në Shqipëri, Ballkan dhe Europë, doli menjëherë: trafikanti Greca nuk kishte asgjë në makinën e tij. Në krye të kësaj ministrie, tani që transkriptimet e shërbimeve franceze, belge dhe holandeze, po vijnë në Shqipëri, u emërua pikërishtpërfaqësuesi politik më i rrezikshëm i krimit.

Nuk ka diskutim që Saimir Tahiri ishte përfaqësues krimi, ishte përfaqësuesi i njëri prej bandave trafikante më të mëdha, por duhet ta dinjnë mirë shqiptarët, Tahiri nuk ishte as 1/3 e Taulant Ballës në lidhjet me krimin. Bajrët në transkriptet del se e konsiderojnë të vetin, e kemi të vetin atë, s’kemi punë jemi në rregull me të, ndaj edhe u emër.

Rrajat shkoi e nxori nga burgu, dhe u emëruar ata dy Rrajat e tjerë, rrinë mirë e bukur në Borizanë se kanë Taulantin.

Pra, krimi ka pushtuar elementë vendimarrës kryesorë të këtij vendi.

Çfarë është Ardi Veliu? Figura qendrore më e zezë e krimit në Policinë e Shtetit. Ardi Veliu ishte drejtor i Policisë së Tiranës. Ishte përzënë nga Policia e Shtetit për bashkëpunim në trafiqe dhe falsifikim dokumentesh. Bota e krimit e solli drejtor policië në Tiranë. Çfarë thotë Alesandro në biseda telefonike me mafiozin tjetër? Atij drejtorit ia mbushëm mirë koshat me derr të zi. Në qoftë se nuk është opium del mishi i derritt ë zi. Me mozzarella, në qoftë se nuk është kokainë, është djathi italian dhe me lloje të tjera të ushqimeve.

Po çfarë ndodhi me Ardi Veliun? Pas transkriptimeve në vitin 2017, të publikuara në median shqiptare, në vend se të shkonte atje ku e ka vendin Ardi Veliu njëlloj si Taulant Balla lartësohej në drejtor të përgjithshëm të policisë. Ardi Veliu, pas një seri krimesh të shëmtuara publike, pas mashtrimesh në mbrojtje të krimit, siç është rasti i vrasjes së Rashës, rasti i Leartit, shumë raste të tjera, i beson Edi Rama shërbimin inteligjent të Policisë së Shtetit.

Çfarë ka bërë Ardi Veliu? Ka vendosur linjë private të komunikimit me krimin, të survejimit të opozitës, të survejimit të kundërshtarëve politikë nga Oltion Bistrot me shokë. Dhe tani lan duart.

Në EncroChat janë 60 oficerë kryesorë policie, të gjithë në regjistrime në bashkëpunim të ngushtë me krimin. Cili është qendrimi që po mbahet?

Jemi marrë vesh me partnerët thonë gënnjeshtarët kriminelë, që të bëjnë ca transferime që të bëjnë lëvizje mos të krijojnë traumë të madhe. E kuptoni ju? Po, po. Hetimi i EncroChat ka gjetur se në dhjetëra e dhjetëra vende të përgjuara ka gjetur se përqendrimin më të lartë telefonat e inkriptuar ishin në Këshillin e Ministrave. Ka gjetur se në Shqipëri, krimi dhe pushteti janë një, janë të shkrirë. Të dhëna dramatike të cilat mund t’i zgjidhin vetëm shqiptarët.

Po drejtësia si është? Më kriminale se krimi.

Lexuat ju për Xhevahirin, i cili shkonte dhe lironte Behar Bajrin, pasi kishte vrarë të fejuarën në gjumë, 15-vjeçare. Xhevahiri prokuror i shtetit, pas tre muajsh e nxirrte nga burgu të lirë. Po Xhevahiri është një moment i izoluar? Jo. Ky sistem i drejtësisë politikë është plot Xhevahirë.

A nuk është Xhevahir ai i cili amniston Ilir Beqajn? A nuk janë Xhevahirë ata?

Miqtë e mi, Ilir Beqaj, i cili ka firmën e tij në të gjitha aktet vendimtare të sterilizimit, është përgjegjës për vdekjen e mijëra shqiptarëve, për mos operim dot.

Ilir Beqaj, duke rritur 80 herë çmimin e procesit të sterilizimit, duke rritur nga 250 mijë euro në 60 milionë euro, edhe pasi ka përvetësuar se ndërmarrja është e Ilir Beqjës nuk ka diskutim, edhe pasi ka përvetësuar sterilizatorin e blerë 1milionë e 700 mijë euro katin e spitalit, dhjetëra e mijëra komplete për operacion, pasi ka firmosur për të marrë ujin dhe energjinë falas për ndërmarrjen e tij, çoi kostot dhe i bëri të papërballueshme, dhe u urdhërua të shkurtoheshin 1 mijë operacione në muaj.

Kush nuk u operua? Ai që pati para, shkoi te privati. Po ai që nuk pati, dhe pati mundësi t’i mbledhë shkoi te privati? Po ai që nuk pati, dhe nuk pati mundësi që t’i mbledhë ato para ku shkoi? Shumë prej tyre shkuan në atë botë.

Dhe ky prokuror, këta prokurorë të presupozuar për elitë, de facto elitë krimi, nuk dërgoi, nuk ngrenë padi ndaj këtij personi, nuk ngrenë padi ndaj McGonigal.

Çfarë do thonë këta prokurorë, kur McGonigal pas dy javësh të pranojë fajin edhe për Shqipërinë? Shoqëria shqiptare është në prag suicidi, në qoftë se nuk ngrihet fuqishëm. Bota e krimit do ta gërryejë në çdo qelizë të saj, në të gjithë qënien e saj.

McGonigal, Agron Neza, Dorian Duçka, kapnin biznesmenë nëpër këto hotele, i gjobisnin 1 milionë, 3 milionë, 5 milionë dhe prokurori i shtetit mafioz thotë që është punë e shkuar. Si mor qenka punë e shkuar?

Pra, Xhevahirët janë në të gjitha këto institucione. Këta janë shndërruar në avoketër të tmerrshëm të krimit. Shesin dosje, shesin informacione. Prisni ju!

Ka sjellë Europol 850 mijë faqe transpkripte. Ju garantoj se me shpejtësi të rrufeshme do të përjetojmë tregun më të fuqishëm të transkripteve. Bota e krimit ka shtrirë kthetrat në çdo gjë. Një javë më parë, nxorrën të gjithë të dhënat e TIMS. Çfarë kishte? Të dhëna sekrete për krimin. Po kush e nxori? I dërguari direkt i Edi Ramës, Ervin Muça, një kriminel që urdhëroi punonjësit e policisë të hedhin të dhënat në këtë USB. Disa prej tyre refuzuan, bravo iu qoftë! Por çfarë ndodhi? Ai mori punonjës privat dhe të dhënat i mori.

Ku është sot? Aty ku ishte në detyrë. Po pse? Po Taulant Balla shkoi pikërisht për këtë mision dhe të dhënat i morën. I kanë qytetarët masivisht tani se kanë filluar t’i transferojnë me emaile, me mënyra të ndryshme, kudo. Kujt i duheshin ato? Krimit dhe vetëm krimit. Kujt i duheshin ato? Pse Edi Rama? Edi Rama do që të fshehë gjurmët e krimit. Pse të shkatërrohet një sistem?

Po në krye të SHISH kush është? Një njeri i shkarkuar nga qeveria e Kosovës se ka vjedhur dhe plaçkitur të dhënat e SHISH të Kosovës. Për llogari të kujt? Atë nuk e di. Dhe pasi shkarkohet për këto të dhëna bëhet këshilltari i Edi Ramës, në një akt, dhe tani ajo emërohet në krye të SHISH. Çfarë kredencialesh ka kjo? Kredenciale krimi ka kjo.

Nëse ka prekur të dhënat, dhe unë besoj plotësisht te zonja Osmani që  e ka shkarkuar atë, ka prekur të dhënat e SHISH, ajo ka kryer një krim, për të cilin duhet të dënohet në Kosovë. Por këtu, kreu i Meduzës së krimit në rajon, e emëron në krye të SHISH.

Çfarë mbetet atëherë? Atëherë mbetet qëndrimi i qytetarëve. Mbetet guximi i qytetarëve. Mbetet qëndrimi i opozitës, mbetet guximi i opozitës.

Përndryshe, hanxharët e krimit çdo sekondë, çdo minutë, çdo orë, çdo ditë do bëhen më të mprehtë mbi shoqërinë shqiptare, qënien e saj. Ndaj dhe unë e mbyll fjalën time, duke ju bërë thirrje ju, edhe punonjësve të ndershëm të administratës, dhe të policisë së shtetit, dhe të prokurorisë, sepse nuk mund të barazoj kurrë ata duan me nder dhe përkushtim ata që të kryejnë detyrën me ata që bëjnë detyrën e krimit. Të qëndrojmë në front të fuqishëm dhe të ngrihemi, për të ndërprerë këtë rreth vicioz fatal në të cilin krimi shndërrohet në votë dhe vota shndërrohet në krim.

Faleminderit!