Amerika po favorizon Serbinë, Serwer: Prioritet i Escobar e Hill, dërgimi i armatimit në Ukrainë!
Ambasadori i SHBA në Serbi, Christopher Hill, personifikon politikën e butë amerikane ndaj Serbisë, vlerëson Profesori i Universitetit “John Hopkins”, Daniel Serwer, ndërsa thekson se Washingtoni po heshtë për shumë çështje që kanë të bëjnë me Serbinë: korrupsionin në nivelin e lartë, kërcënimeve me përdorimin e dhunës, sulmeve ndaj forcave të NATO-s që financohen nga Beogradi, refuzimin e Vuçiçit që ti përkushtohet zbatimit të marrëveshjes së arritur në dialogun e Beogradit dhe Prishtinës.
“Nuk besoj se kjo do të ndryshoj deri sa në Serbi është ky ekip diplomatik,” është i bindur Profesori i Universitetit “John Hopkins” duke fol për të përdsitshmen e Podgoricës “Pobjeda“, dhe, i prerë:
“Amerika po favorizon Beogradin. Nuk mendoj se politika e lëshimeve ndaj Serbisë zyrtare do ndryshoj pa një presion ma të madh.”
Para pak kohësh, Ambasadori amerikan në Serbi, Christopher Hill, tha se nuk mendon se ministri serb i Mbrojtjes, Milosh Vuçeviç, po mundohet ta destabilizoj rajonin me mesazhin se “Kosova do ti bjerë kokës Malit Zi dhe Maqedonisë Veriut – ashtu siç ndodhi në Ukrainë me të gjithë ata që promovuan Kosovës si shtet të pavarur.”
Me mungesën e reagimit ndaj kësaj deklarate skandaloze, Profesori i Universitetit “John Hopkins” në Washington, Daniel Serwer, mendon se Ambasadori Hill personifikon reagimin e butë të Amerikës ndaj Serbisë.
“Marrëdhënia e Amerikës ndaj Serbisës ka të bëjë me politikën e lëshimeve. Nuk mendoj se kjo do të ndryshoj derisa në Serbi të jetë konfigurimi aktual diplomatik,” vlerëson Serwer.
Heshtja e Washingtonit
Profesor Serwer mendon se Washingtoni po heshtë për shumë çështje që kanë të bëjnë me Serbinë: korrupsioni në nivelin e lartë, kërcënimet serbe për përdorimin e dhunës, sulmit ndaj forcave të NATO-s që financon Beogradi, dhe refuzimin e Vuçiçit që ti përkushtohet zbatimit të marrëveshjes së arritur në dialogun e Beogradit dhe Prishtinës.
Duke u përgjigjur se cili është shkaku i këtij qëndrimi, Serwer vlerëson se kjo është një pyetje kryesisht për Ambasadorin Hill dhe të dërguarin e posaçëm të SHBA-së për Ballkanin Perëndimor, Gabriel Escobar.
“Përshtypja ime është se Hill dhe Escobar janë të bindur se e kanë çuar Serbinë në Perëndim, përkundër fakteve bindëse që dëshmojnë të kundërtën. Siç duket prioritet i japin lejimit të Serbisë që dërgesat e armatimit të arrijnë deri në Ukrainë,” tha Serwer i bindur që krerët e SHBA dhe BE nuk do të lejojnë ndryshime dramatike.
“Ballkani i Hapur” shkronjë e vdekur në letër
Letra që këtë muaj e firmosën rreth 60 zyrtarë të lartë evropianë dhe nga Kongresi e Senati amerikanë, e ku kërkohej ndryshimi i “politikës së butë” ndaj Serbisë në marrëdhënie me Kosovën, për Serwerin nuk është presion i mjaftueshëm.
“Zyrtarët që përbëjnë pushtetin legjislativ dërguan letër. Ata dëshirojnë ndryshim dramatik në qasjen aktuale ndaj Serbisë, por nuk ka shenja se do ta marrin këtë ndryshim nga pushteti ekzekutiv në SHBA dhe BE,” vlerëson Profesori i Universitetit “John Hopkins” në Washington, Daniel Serwer, sepse duhet shumë më shumë presion.
Serwer mendon se iniciativa “Ballkani i Hapur”, të cilën e promovon Ambasadori Hill, është shkronjë e vdekur në letër.
“Nuk mendoj se kjo do ti ndihmoj Amerikës. Mbështetja për ‘Ballkanin e Hapur’ ishte pjesë e politikës së lëshimeve ndaj Serbisë,” tha Serwer.
Ai, për të përditshmen malazeze “Pobjeda”, foli edhe për letrën e hapur të ish-ministrit të Jashtëm të Malit Zi dhe Ambasadorit të parë malazez në Washington, Miodrag Vlahoviç, i cili në letrën e hapur drejtuar Ambasadorit Hill i thotë se “Pax Americana” në hapësirat tona nuk japin rezultate.
“E vërteta është krejtësisht ndryshe: Politika që ju promovoni nxitë pasoja shumë të këqija. Ajo destabilizon Ballkanin Perëndimor. Ajo krijon dhe mbanë kriza dhe parandalon që disa çështje të hapura dhe antagonizma më në fund të fillojnë të zgjidhen. Për shembuj, jemi të sigurt, dini më shumë dhe më mirë se ne: situata në Bosnje Hercegovinë, në relacionin Serbi-Kosovë dhe zhvillimet e trendet në Malin e Zi. Për këtë arsye politika juaj është thellësisht e gabuar. Ajo kërcënon që ta kompromitoj plotësisht angazhimin pozitiv dhe efikas prej dekadave të Shteteve të Bashkuara në hapësirat tona,” thekson Ambasadori Vlahoviç, ndër të tjera, në letrën e hapur drejtuar Ambasadorit Hill.
“Ambasadori Vlahoviç ka plotësisht të drejtë,” përfundon Profesori i Universitetit “John Hopkins” në Washington, Daniel Serwer.
