Sulmi terrorist në Kosovë, cili është roli i Kishës Ortodokse Serbe?!
Rol shumë interesant ka Kisha Ortodokse Serbe në ngjarjet tragjike në Kosovë, sepse, si në Ma të Zi, ajo ishte leva dhe instrumenti kryesor për dhunën dhe destabilizimin e fqinjëve!
Kështu shprehet për të përditshmen serbe Danas, historiani Milivoj Beshlin duke komentuar sulmin terrorist serb në fshatin Banjskë ndaj policëve të Kosovës dhe vrasjen e njërit prej tyre, i cili ndodhi përreth manastirit.
“Pavarësisht se kush ishte në dhe përreth manastirit, është e qartë se aty gjetën strehim dhe shtëpi të sigurt ata që u vendosën në funksion të aktiviteteve terrosite,” thotë historiani serb duke rikujtuar:
“Me të njejtin sistem Kisha ishte shtëpi e sigurt për krime lufte edhe në Bosnje Hercegovinë,” tha Beshlin.
Kujtojmë se Dioqeza e Rashkës dhe Prizrenit, në kuadër të Kishës Ortodokse Serbe, u shpreh më 25 shtator se EULEX-i dhe Policia e Kosovës kanë kryer kontrolle në Manastirin Banjska në veri të Kosovës dhe se në oborrin e manastirit kanë gjetur armë dhe pajisje tjera ushtarake “të cilën populli e la duke braktisur manasatirin”.
“Mirëpo, në dy lokacione të manastirit janë gjetur armë, antiplumb dhe pjesë të pajisjeve. Këto gjëra, personat e armatosur i kanë gjuajtur duke u larguar nga manastiri,” thekson komunikata e Dioqezës.
Para kësaj komunikate, po me 25 shtator, Dioqeza thekson përmes komunikatës – që më pas e ka fshi – se në manastir nuk u gjetën armë.
“Mirëpo në dy vende në manastir janë gjetur armë dhe pajisje tjera që njerëzit i kanë lënë duke u larguar nga manastiri. Gjithashtu, në manastir nuk janë gjetur gjurmë gjaku dhe për asnjë moment nuk kishte viktima brenda mureve të manastirit. Ekipet forenzike i kanë marrë shenjat e gishtërinjëve dhe kanë biseduar me pelegrinët, të cilët më pas nën shoqërimin e policisë dhe EULEX-it kanë udhëtuar drejt shtëpive tyre përmes vendkalimit Jarinje,” thuhet në reagimin e Dioqezës.
Milivoj Beshlin thotë se hetimi i pavarur do të konfirmoj se në çfarë mase regjimi i Beogradit ishte i implikuar, në çfarë mase kreu i shtetit kishte inspiruar dhunën, dhe në çfarë mase aksioni terrorist ishte nën patronatin e kreut të shtetit, dhe nëse kemi të bëjmë me një përpjekje të pasuksesshme për fillimin e një lufte të re në Ballkanin Perëndimor.
“Me dhunën e planifikuar të dielën, u shkelën të gjitha vijat e kuqe, rajoni ishte në prag të luftës së re, u vranë njerëz, e me këtë dështim pësoi edhe strategjia e zotit Hill dhe Escobar për besimin e pakufishëm në Vuçiçin dhe politikën e tij. Të dielën munguan vetëm trupa druri nëpër rrugë, dhe e gjitha ti ngjajë në kontinuitet të plotë, politikës kriminale të Slobodan Milosheviçit,” përfundon Beshlin./Danas/
