Vuçiç i tërbuar: Do më sanksionojnë mua, këtë e ka kërkuar opozita serbe si Kurti, Osmani e BE
I tërbuar dhe i lodhur, personi përgjegjës pse Serbia u kthye në shënjestër të ndërkombëtarëve dhe po përgatit sanksione, presidenti i saj Aleksandar Vuçiç, sot nuk iu përgjigj pyetjeve të mediave, gënjeu dhe i sulmoi vetëm e vetëm që të mos i përgjigjet pyetjes: Nga i mori terroristi Milan Radoiçiç paratë dhe armët për sulmin terrorist të 24 shtatorit.
Për krikat ndaj tij, pasi u zbulua pas sulmit terrorist në veri të Kosovës për lidhjen që ka me krimin, se është sulm ndaj shtetit, ai akuzoi fushatën që po bëhet kundër Serbisë ndërsa akuzoi opozitën serbe për letrën që i kishte dërguar Brukselit zyrtar me apelin për BE që ta dënoj Vuçiçin dhe jo Serbinë.
“Mos keni merak për sanksionet. As ju, dhe as shumë të tjerë. Kemi parë diçka të pashembullt, e ky është mesazhi – vendosni sanskione Vuçiçit. Kërkesë plotësisht të njejtë që kanë Kurti dhe Osmani, kanë dhe Marinika Tepiç e Miroslav Aleksiç,“ tha Vuçiç duke vazhduar me mbrojtjen e terroristit dhe aleatit të tij, Milan Radoiçiç.
“Kur flisni për pasurinë në liqenin Gazivodë, njohë ca që kanë pasuri shumë më të madhe në qytete shumë më të mëdha dhe liqene shumë më të mëdha!“
Në rikujtimin e gazetares se duhet të përgjigjet në pyetjen ku i mori paratë Milan Radoiçiç, Vuçiç vazhdoi me propagandën dhe manipulimin e tij duke akuzuar liderët opozitar serb. raporton gazeta serbe Nova.
“E di se kush janë Dragan Gjilas dhe Miroslav Aleksiç, kush i vjedhi paratë në Trsteniku. Unë ju përgjigjem pyetjeve tuaja gjatë gjithë kohës, por juve nuk ju pëlqen përgjigja ime, sepse më duhet të flas të vërtetën,“ vazhdoi i përçartë Vuçiç duke shtuar se ai nuk do ta mbrojë Milan Radoiçiçin sepse ai, sipas Presidentit të Serbisë, po i përgjigjet drejtësisë serbe.
“A do të zgjerohet hetimi, kjo u takon organeve shtetërore të vendosin. Shumë më shumë para se ai kanë Gjilas dhe Aleksiç. Ai investoi në shtëpinë e tij në Kosovë, dhe nuk nxori para jashtë shtetit, që ai dhe familja e tij të jetojnë më mirë se sa të tjerët, ashtu siç veprojnë shumë liderë të ish-regjimit serb dhe partive opozitare,” tha Vuçiç ndërsa i pyetur se a ka investuar edhe në armatim, Presidenti i Serbisë u ankua se po e ndërprejnë dhe se kështu nuk ka askund në botë.
“Po kryhet hetimi. Unë nuk jam prokuror, nuk jam gjykatës që të marrë çfarëdo lloj vendimi, se kjo do të ishte antiligjore. Kjo mund të ndodhe tek ju mediat, të merrni vendimin dhe paraprakisht të flisni se dikush është fajtor, nuk është fajtor, pse, sa vjet burg duhet të dënohet. Radoiçiç nuk përndiqet nga prokurori për vepra të lehta penale, por vepra të rënda që vetë i ka pranuar. Nuk kishit nevojë të dëgjoni dikë tjetër, ai vetë erdhi dhe tha se i kishte bërë dhe ofroi veten e vetë.
Hetimi do vazhdojë, akuza do ngritet dhe të gjitha aspektet e hetimit do zbulohen, deri atje se nga erdhën paratë për armë në tregun e zi, nga janë marrë, nga s’janë marrë dhe gjithçka do të konstatohet. Ky është obligimi jonë ndërkombëtarë, dhe obligim edhe me ligjet e Serbisë,” tha Vuçiç sërish pa dhënë përgjigje dhe duke vazhduar ta mbrojë terroristin Milan Radoiçiç.
I pyetur se çfarë pret nga takimi me ndërmjetësit ndërkombëtar më 21 Tetor, ai tha se dikush nga jashtë dëshiron ta ulë forcën e Serbisë dhe ka gjetur ndihmës brenda shtetit serb, dhe i nxehur vazhdoi:
“A e kuptoni o njerëz se çfarë ka ndodhur? Dikush i ka shkruar letër Borrellit, jo ti vendosin sanskione Kurtit, por liderit të vendit të tyre sepse nuk mund ta mposhtin ndryshe. Kjo nuk ka ndodhur askund në asnjë vend.
A e kuptoni ju se me kë kemi punë? Cila është politika e tyre, le të pëson vendi ynë, vetëm ne të marrim pushtetin. Unë jam pa fjalë. Jam shumë i butë deri sa flas këto gjëra, sepse kanë merituar përgjigje shumë më të rëndë se kjo që bëjë sot,” tha Vuçiç duke bërë viktimën me gjithë angazhimin që bënë për Serbinë duke deklaruar se sot shkon në Kinë, kur të kthehet do të takohet me ndëmjetësit ndërkombëtarë në Beograd, dhe pas këtij takimi më 21 tetor do niset në New York ku do marrë pjesë në mbledhjen e KS të OKB më 23 tetor!
Ndryshe, humori i Presidentit të Serbisë, Aleksandar Vuçiç, është trazuar sot pasi për disa ditë kishte deklaruar se Serbia nuk do të ndëshkohet për shkak të sulmit të 24 shtatorit, kur Raportuesja për Kosovën në Parlamentin Evropian, Viola von Cramon, në një intervistë për gazetën serbe Nova ka sqaruar se masat ndaj Serbisë do të jenë recirpoke me ato të Kosovës, nuk kanë se pse të votohen në Këshillin Evropian, do ti vendos Komisioni Evropian, dhe e gjitha do të varet nga bashkëpunimi pa kushte në hetimin për sulmin në Banjskë, transparencën që duhet të siguroj Vuçiç për atë se çfarë ka ndodhur, dhe kur shërbimet e sigurisë së BE të marrin vendimin e hetimit, atëherë KE do të reagoi, ka sqaruar Kramon duke e zhvlerësuar dhe asin nën mëng që kishte Presidenti i Serbisë, Kryeministrin e Hungarisë, Viktor Orban, i cili si delirant sovjetik ka kohë që e tund veton, pa e kuptuar se është në union evropian për bashkim dhe jo përçarje!
