Bullgaria taksë për gazin rus, në Serbi rritet çmimi 20%, tërbohet Vuçiç: S’mund të vlejë për Serbinë!
Pas vendimit të Bullgarisë për vendosjen e taksës për gazin rus i cili kalon nëpër tokën bullgare, duke filluar nga 1 Nëntori, konsumatoët e gazit në Serbi përveç rritjes së paralajmëruar të çmimit për 10 për qind në prag të sezonit të ngrohjes, do të përballen edhe me një rritje shtesë prej 20 për qind.
Kjo fillimjavë nisi me rritjen e çmimit të gazit rus i cili kalon nëpër Bullgari me 10.76 dollarë për 100 m³, që sipas ekspertëve të ekonomisë serbe kemi të bëjmë me një rritje të rëndësishme që në kushtet e krizës globale dhe nivelit të madh të inflacionit, paraqet një goditje të madhe për buxhetin familjar të konsumatorëve.
Derisa kjo rritje e çmimit të gazit rus paraqet problem serioz edhe për ekonominë e biznesit serb që në procesin prodhimit përdor gazin dhe që do të shkaktoj dhe rritjen e çmimeve të produkteve të tyre, u shfaq Presidenti i Serbisë, Aleksandar Vuçiç, jo duke gjetur zgjidhje por me delirin e komunikimit me Kryeministrin Edi Rama, shprehet:
“Kjo do të sjellë rritjen drastike të çmimit të gazit. Kjo është rritje e frikshme, do flasim me palën bullgare. Dhe, ky vendim nuk duhet të vlejë për Serbinë,” tha Vuçiç të cilit i ranë në ujë përrallat propagandistike mbi diversifikimin e burimeve të furnizimit me gaz, me interkonjeksionin Serbi-Bullgari me kapacitet 1.8 miliardë m³ gaz, me të cilin tha kohë më parë se do të furnizohej Serbia nga shtetet e rajonit të Kaspikut, para së gjithash Azerbajxhanit, dhe terminalit të gazit të lëngshëm në Aleksandopolis në Greqi. .
Por ndryshe nga rilindasit shqiptarë të Edi Ramës që i besojnë vetëm Aleksandar Vuçiçit, eksperti i energjetikës Velimir Gavriloviç, për të përditshmen serbe “Danas”, hedhë poshtë këtë reagim propagandistik të presidentit serb.
“Është e vështirë të besohet se Serbia mund ti shpëtoj pagesës së taksës që ka vendos Bullgaria për furnizimin me gaz përmes territorit të Ukrainës, për shkak të luftës që zhvillohet në këtë vend, dhe më pas përmes Hungarisë. Në këtë rast edhe Hungaria sikur Serbia furnizohet me gaz rus përmes rrjedhës së jugut,” sqaron Gavriloviç duke hedhur poshtë premtimet e Vuçiçit.
Ndryshe, pas votimit në Parlamentin e Bullgarisë për vendosjen e taksës për gazin rus, në buxhetin bullgar pritet të inkasohen për një vit 1.2 miliardë euro, të ardhura që do të shërbejnë për ndërtimin e gazsjellësit “Rrjedha Ballkanike” ndërsa konsumatorët në Serbi pavarësisht premtimeve të Presidentit të Sebisë, Aleksandar Vuçiç, mund të përballen me çmimin e gazit shumë më të lartë, dhe kjo varet ekskluzivisht nga politika e “babait të kombit serb”, kriminelit Vladimir Putin.
