Në radhë, ai që pushteti e sheh si kundërshtar!

nga Bardh Spahia*

Sot nuk ka më asnjë dyshim se Edi Rama qëndron prapa aktakuzës politike kundër kryetarit të Partisë Demokratike, Sali Berisha.

Shikoni në dokumentin e shkëputur nga analiza e gjykatës, nuk guxojnë njerëzit “e pavarur” të drejtësisë, që t’i përmendin emrin Kryetarit të Këshillit të Territorit të Tiranës.

Në 2006-ën ishte Edi Rama, si kryetar i KRRT-së që ndryshoi destinacionin e Sportklubit “Partizani”, nga terren sportiv në truall ndërtimi dhe më pas, ishte po Edi Rama, ai që dha leje ndërtimi në atë zonë, por drejtësia ka rilindur e verbër për pushtetin.

Kjo që ka nisur, nuk është një betejë personale juridike e liderit të opozitës. Kjo është një betejë e madhe politike për liri dhe demokraci.

Beteja duhet të jetë e çdo shqiptari që lirinë e tij nuk do që t’ia dorëzojë qeverisë.

Këtë vetëdije e ka çdo komb i qytetëruar që për lirinë dhe të drejtat ka bërë sakrifica të mëdha.

Jam i bindur se, megjithëse jemi përballur me shumë zhgënjime, këtë vetëdije e kemi edhe në shqiptarët.

Ne na takon të reagojmë, pasi nesër do të jetë radha e kujtdo që pushteti e sheh si kundërshtar.

*Anëtar i Kryesisë së PD