Video/ Raketa godet spitalin në Egjipt, gjashtë të plagosur! Reagon Izraeli

Gjashtë persona janë plagosur në vendin turistik egjiptian Taba, i cili ndodhet afër kufirit izraelit, pasi një raketë goditi spitalin mëngjesin e sotëm, ka bërë të ditur televizioni egjiptian Al Qahera.

Footage showing the Impact Site of an Unknown Missile which Struck the Coastal Town of Taba, Egypt tonight. pic.twitter.com/4KbPKApAfh

— OSINTdefender (@sentdefender) October 27, 2023

Reagon Izraeli

Al Qahera raporton se raketa që ka goditur Taban ka të bëjë me luftërat me Rripin e Gazës, i cili është 220 kilometra nga vendi ku forcat izraelite po bëhen gati për operacionin tokësor, por ende nuk dihet se cila nga palët në konflikt e ka hedhur raketën.

Një dëshmitar ka rrëfyer se ka dëgjuar një shpërthim dhe më pas ka parë shtëllungë tymi dhe pluhuri se si po ngriteshin.

Ndërkohë forcat izraelite kanë bërë të ditur se janë informuar me incidentin në pikën turistike në Detin e Kuq në afërsi të kufirit.