Sulmi terrorist serb, Kearns: Kaloi një muaj, Radoiçiç i lirë e Serbia e pandëshkuar!
Kryetarja e Komisionit për Punë të Jashtme në Parlamentin e Mbretërisë së Madhe, deputetja Alicia Kearns, ka kaluar edhe pasi kaloi nga sulmi terrorist serb i 24 shtatorit kundër Policisë së Kosovës ku mbeti i vrarë polici Afrim Bunjaku, duke theksuar se Milan Radoiçiç ka pranuar fajësinë për sulmin në Banjskë dhe vazhdon të jetë i lirë ndërsa Serbia e pandëshkuar.
“Ka kaluar një muaj që kur Radoiçiç ka pranuar fajësinë për sulmin paraushtarak në Kosovë me armë të ofruara nga Beogradi. Megjithatë ai mbetet i lirë në Serbi. Pa asnjë llogari për rolin e Beogradit. Unë i kam parë armët dhe kam takuar familjen e Afrim Bunjakut, ata meritojnë drejtësi,” shprehet deputetja britanike Alicia Kearns në rrjetin social X.
Ndryshe, në fillim të muaji korrik Kryetarja e Komisionit të Punëve të Jashtme pranë Parlamentit të Mbretërisë së Bashkuar, deputetja britanike, Alicia Kearns, ka ngritur alarmin se armët që po kontrabandohen nga Serbia në Kosovë përmes autoambulancave, po shkarkohen në kishat ortodokse.
Regjimenti ushtarak britanik i kthyer nga misioni i KFOR-it, tha ajo, kishte qenë në dijeni se kishte armë të kontrabanduara nga Serbia në kishat ortodokse serbe me autoambulanca, por trupat britanike janë penguar për t’i konfiskuar këto armë.
“Qeveria është e vetëdijshme, me Fusilierët [regjiment ushtarak britanik] që sapo janë kthyer nga shërbimi në KFOR, se ka armë që kontrabandohen përtej kufirit nga Serbia në kishat ortodokse me autoambulanca. Kur trupat tona vihen në dijeni për këtë dhe përpiqen të marrin leje për të shkuar dhe për t’i marrë ato, lejet zgjasin shumë. Deri në momentin që ka leje ‘të papritura’ një ambulancë thuajse ka shkuar në kishë dhe ka shkarkuar përsëri të gjitha armët,” tha deputetja britanike, Alicia Kearns, duke kritikoi bashkësinë ndërkombëtare që nuk mori asnjë masë për të gjitha veprimet e Serbisë, e cila, sipas saj, ka shkelur të gjitha ligjet ndërkombëtare me rastin e arrestimit të tre policëve kosovarë.
