Përfundon greva e minatorëve të Trepçës

Në ditën e dhjetë, pas arritjes së marrëveshjes ndërmjet minatorëve dhe zyrtarëve të Ministrisë së Ekonomisë, minatorët e Trepçës i japin fund grevës.

Marrëveshja e arritur në orët e para të ditës së premte flet ndër të tjera për shpalljen e konkursit për kryeshef të ndërrmarjes “Trepça” si dhe pagat e minatorëve që do të dalin jo më vonë se data 10.

Pas arritjes së marrëveshjes dhe leximit të kë kësaj marrëveshje nga përfaqësuesit e sindikatës para minatorëve, minatorët ndërprenë grevën dhe dolën nga nëntoka ku kanë qëndruar për 10 ditë.

Ndryshe, minatorët e Trepçës hynë në grevë më 24 tetor duke kërkuar kushte më të mira të punës.

Pagat e minatorëve në Trepçë variojnë nga 700 deri në 900 euro, sigurime shëndetësore dhe jetësore nuk kanë, dhe ka kohë që i kërkojnë në Kompleksin metalurgjik i cili është shoqëri aksionare, ku 80 për qind të aksioneve i ka Qeveria e Kosovës dhe 20 për qind janë të punonjësve të kësaj ndërmarrjeje.