Ëndërr e paarritshme, Edi Rama: Shpresoj që Presidentja e Kosovës t’ia sugjeroj Kryeministrit…

Asnjë ëndërr s’është e paarritshme, tha sot Kryeministri Edi Rama nga Samiti i Diasporës ndonëse nënshtrimin e Albin Kurtit vazhdon ta sheh vetëm në ëndërr pasi ai e refuzoi dhe në këtë ngjarje edhe pse me karakter kombëtar, ku Kryeministrit të Shqipërisë nuk i mbeti asgjë tjetër vetëm se të flas për Kryeministrin e Kosovës që nuk do, dhe apriori foli dhe për Ditën e Alfabetit, 22 Nëntorin si ditë feste kombëtare e shpresat tha se i kanë ngelë tek Presidentja e Kosovës që t’ia sugjeroj kryeministrit të vet.

Në këtë kontekst foli dhe për një ëndërr që Bajram Begaj e ka të qartë se nuk është e arritshme, por Edi Rama e nxori nga goja duke ju drejtuar Presidentes së Kosovës, Vjosa Osmani: Unë e dëgjoj Presidentin për veten time!

E meqë këtij ish-shkronjësi të fjalimeve të Kryeministrit ka kohë që i ka humbur busulla, Edi Rama sot e konfirmoi se edhe në Samitin e Diasporës në Tiranë ndërsa flet për këtë ngjarje që vjen në një moment historik, 111-vjetorin e Pavarësisë së Shqipërisë, risjell pa lidhje në vëmendje kualifikimin e Shqipërisë për në Europian, duke rrëfyer për njësha të futbollit që u bënë bashkë për të bërë ëndrrën realitet!

“111 thonë se është numër unik në lloji e vetë. Besëtytninë flasin se 3 njëshat të bërë sëbashku, simbolizojnë fuqinë transformuese të mendimit. Për të tjerë 111 është numri i engjëjve apo i perfeksionit. Pavarësisht kontekstit që 3 njëshat bëhen bashkë, të parët këshillonin meditim te emocionet pozitive. Me këtë ogur të mirë kam kënaqësinë e madhe që t’u them të gjithëve dhe presidentes së Republikës së Kosovës, përfaqësuesve të lartë, shqiptarëve në RMV, në Malin e Zi, në komunën e Preshevës, mirë se vini të gjithë në Tiranë, në samitin e tretë të Diasporës, që përkon me 111-vjetorin e pavarësisë së Shqipërisë.

Përtej simbolikës, ky takim dy-ditor vjen edhe me vetëdijen e plotë se në punimet e samitit të cilat zhvillohen intenvisivsht jashtë këtyre seancave plenare, na është besuar mundësia që të komunikojmë së bashku për të shkruar një tjetër faqe të re për shqiptarët. Samiti është udhëkryq ku bashkohen të gjithë, pavarësisht bindjeve apo përkatësive politike, përtej përkatësive krahinore dhe vendndodhjes së secilit si shqiptarë që kanë diçka për të thënë dhe për të dhënë për mënyrën se si duhet t’i qasemi sfidave.

Si të bashkojmë ambiciet për objektivat e përbashkëta,” tha Edi Rama duke kaluar në fushë tjetër e cila s’ka lidhje me politikën por reflekton prekjen fatale të tij, ku nuk e la të qetë si futbollin shqiptarë ashtu dhe tifozët e tij.

“Nuk mund ta pa përmendur se ky samit ndodh pak ditë pasi njëshat e Shqipërisë, të Kosovës, të Maqedonisë, në një skuadër, jo vetëm që e çuan Shqipërinë në Europë, por na ritreguan edhe një herë se çfarë mund të bëjmë kur bashkojmë forcat dhe talentet dhe mbi të gjitha kemi një strategji dhe qëllim për të fituar. Asnjë objektiv, sado ambicioz të jetë, nuk është i paarritshëm.

Nëse ka një mësim, të madh që të gjithë mund të marrin, në të gjitha nivelet, individualisht, apo kolektivisht, nga të gjitha emrat që na bëjnë ne krenar, pasi përmenden me admirim, në një botë të madhe, është mësimi se të gjithë ata kanë pasur një ëndërr shumë më të madhe se mundësitë e tyre mund t’ua këshillonin,” tha Kryeministri Edi Rama në Samitin e Diasporës i bindur se Shqipëria dhe shqiptarët janë shumë ndryshe ngase kanë qenë kohë më parë.

“Si sot shqiptarët nuk kanë qenë kurrë asnjëherë më parë. Nuk e kanë pasur kurrë më parë peshën e tyre jo vetëm për të marrë vendimet aty ku janë qofshin si Republika si Shqipëria dhe Kosova dhe në shtete me popullsi shtetformuuese dhe si kurrë më parë, faktet nuk kanë folur dhe flasin në mënyrë inkurajuese për të ushqyer besimin se vërtetë kemi shumë ende për të bërë kur fjala jonë të shkruhet në historinë e botës.

Jemi sot në një nivel komplet tjetër nga aq poshtë sa ishim, ku Shqipëria ishte shumë larg së qeni vendi i 10 milionë turistëve apo së qeni vendi i integrimit evropian që organizon samite, kur Kosova shumë larg asaj që është sot, kur në Maqedoninë e Veriut, Ali Ahmeti luftonte për të drejtën e një flamuri që nuk ishte i barabartë me atë të Maqedonisë së Veriut dhe flamuri shqiptar që vendosej nëpër ballkone mund të ishte një arsye për të shkuar në burg. Shqiptarët në Maqedoninë e Veriut janë pjesë e pandashme shtetit dhe qeverisjes.

Pa folur pastaj për Malin e Zi që nëse do të na thoshin 10 vjet më parë, që një kryeministër shqiptar do të drejtonte qeverinë e Malit të Zi, do të ishte rezultat i një lufte. Do të kujtoj Gjergj Fishtën, kur ai e siguron Gjergj Kastriotin të mos shqetësohet çfarë ndodh në Shqipëri sepse për inat të djallit dhe atyre shqiptarëve që e mbajnë Skëndërbeut me fjalë dhe jo në zemër, Zoti ka me e mbajt Shqipërinë në këmbë me nder dhe lumni.”

Në fund, Kryeministri Edi Rama bëri të ditur se 22 Nëntori do të jetë festë zyrtare ndërsa kishte një këshillë për Presidenten e Kosovës, për të cilën presupozon nga përvoja personale se ka një Kryeministër kokëfortë”

“Dita e Alfabetit e 22 nëntorit të jetë një ditë feste kombëtare edhe në Shqipëri dhe shpresoj që edhe Presidentja e Kosovës t’ia sugjeroj Kryeministrit të vet. Unë e dëgjoj Presidentin për veten time.”