Skënderbeu i Spiropalit refuzon BE-në dhe dialogun, miratohet Rregullorja për eliminimin e opozitës
Me Gardën e Republikës të angazhuar për spastrimin etnik të Parlamentit që në hyrje, duke shpërfillur Bashkimin Evropian e cila vendosi të mos hap kapitujt në negociatat për anëtarësim të Shqipërisë për shkak të përplasjeve politike që ka mazhoranca me opozitën, Kryeministri Edi Rama jo vetëm që nuk pranoi sot dialogun politik gjithëpërfshirës dhe konstruktiv për të çuar përpara miratimin e reformave të lidhura me BE-në, ashtu siç sugjeronte Brukseli zyrtar, por miratoi në mes të tymit dhe kaosit, Projektvendimin “Për disa shtesa dhe ndryshime në vendimin e Kuvendit nr.166, datë 16.12.2004 “Për miratimin e Rregullores së Kuvendit të Republikës së Shqipërisë”, të ndryshuar”.
Ndonëse meraku i vetëm që u katapultua në media ishte se këto ndryshime parashikojnë përjashtimin e deputetit edhe deri në 60 ditë, problemi më i madh dhe real i këtyre ndryshimeve është se ato do të jenë armë politike në duart e ca hajvanëve që veten e quajnë mazhorancë, dhe i japin vetes të drejtën për të vendosur se kush nga opozita duhet të ulet dhe si, në seancën plenare të Parlamentit të Shqipërisë; Duke e çuar kështu jetën parlamentare drejt eliminimit politikë!
Dhe pas vetëm disa minutave seancë plenare, mes tymit dhe flakadanëve, mazhoranca e vendosur që mos plotësoj kërkesat e opozitës për noramlizimin e jetës parlamentare, miratoi nen për nen këtë Rregullore me 74 vota para deputetëve të opozitës që Edi Rama u lejoi të qëndojnë në sallë dhe kishin vetëm një përgjigje në shenjë revolte: Turp!
Pas këtij votimi reagoi, Kryetari i PD, Sali Berisha, duke theksuar se mazhoranca votoi nenin që e bën vendin pa opozitë! Rama bëri klonin në Bruksel se nuk i ka ngelur gjë tjetër
“Ky është asgjësim i parlamentit. Në një sistem monist, opozita ka vetëm një mision, qendresë, qendresë dhe vetëm qëndresë. Mosbindje civile.
Greva e urisë dhe çdo akt merret me vendim nga opozita atëherë kur ajo e konsideron më të nevojshme dhe më efiçente.
Gjer tani ju e patë, zëri i saj kumboi në të gjithë botën.
Ai zotëria që shkoi, mori atë që i dha Elisës. E kuptoni vetë ju se nuk mund ta them atë fjalë.
Se është bërë i përçmuari i Europës, i përçmuari i komunitetit ndërkombëtar.
E ka marrë vesh e gjithë Europa se ky bllokon parlamentin për të mbrojtur vjedhjet e tmerrshme që ka kryer me familjarët e tij.
Është informuar mbarë komuniteti botëror se Edi Rama nuk lejon komisionet hetimore parlamentare sepse është i përfshirë në afera që shkojnë miliarda euro vjedhje nga ai dhe klani i tij.
E ka mësuar tashmë çdo shqiptar se për Edi Ramën nuk ekziston asnjë institucion në këtë shtet përveç karriges së tij për të mbrojtur strikt interesat e familjes dhe sojit dhe sorollopit të tij.
Prandaj në Bruksel i thanë se të ka mbetur të bësh klounin se nuk të ka ngelur gjë tjetër për të bërë.
Se ato që kërkon Brukseli, ky nuk i pranon.
Ky ka përparësi pasurimin e tij të pangopur në vjedhjet, abuzimet dhe shpërdorimet,” tha Sali Berisha para Kuvendit si shumica e deputetëve të opozitës që nuk u lejuan të futen në seancë plenare, duke përfunduar:
“Siç e shihni, opozita realizoi me sukses të plotë edhe sot këtë ditë, misionin.
Kjo ditë shënon ndarjen përfundimtare nga parlamenti i parasotshëm pasi narkomazhoranca voton nenin e heqjes së përkohshme të deputetit të deputetit.
Nen, i cili e bën vendin pa opozitë.”
