Gashi bojkotoi seancën e KPK, trupa gjykuese tërhiqet për të marrë vendimin mbi…

Rovena Gashi, prokuroja e pezulluar nga detyra pak muaj më parë, për shkak të një hetimi të nisur për  fshehje pasurie, ka bojkotuar seancën dëgjimore në KPK, ku sot do t’I nënshtrohej Vettingut.

Duket se ky vendim i Gashit ka vënë në vështirësi trupën gjyqësore në KPK, e cila për herë të parë përballet me një situatë të tillë, ku veç subjektit mungon edhe përfaqësuesi ligjor apo avokati.

Genta Tafa Bungo, Kryetarja e trupës gjykuese me anëtarë Pamela Qirkon dhe Lulzim Hamitajt e bënë të njohur situatën para medias dhe pretendimin që Gashi kishte bërë më herët, para hapjes së seancës, se vendimi për të ishte i paracaktuar, ishte marrë 8 muaj më parë.

Genta Tafa Bungo tha se zonja Gashi pretendonte se vendimi për të ishte marrë ditën kur ishte hedhur shorti; po ashtu njoftoi se prokurorja kishte dorëzuar një raport prej 27 faqesh ku kërkonte pavarësisht të gjithave, rikonfirmimin në detyrë.

Në rrethanat e krijuara, kryetarja e trupit gjykues kërkoi që treshja e gjyqtarëve të shqyrtonte rastin për të dhënë një vendim.