Kremlini: Nëse Perëndimi e konfiskon pronën tonë, ne do të konfiskojmë pronën e tyre! Kemi hartuar listën

Kremlini sot ka paralajmëruar se kanë hartuar listën e pronës amerikane dhe europiane e cila do të konfiskohet nëse liderët e G7 do konfiskojnë 300 miliardë dollarë të ngrira të Bankës Qendrore të Rusisë.

Liderët e shtatë vendeve më të zhvilluara në botë do të bisedojnë lidhur me teorinë juridike që do të mundësoj konfiskimin e pronës ruse, janë shprehur dy burime të këtij plani ndërsa është konfirmuar nga një zyrtar britanik që deshti të mbes anonim.

Zëdhënësi i Kremlinit, Dmitrij Peskov, tha se kjo lëvizje e Perëndimit paraqet vjedhje, shkelje të së drejtës ndërkombëtare dhe cenim të valutës rezervë, sistemit global financiar dhe ekonomisë botërore.

“Do të ishte kjo një goditje e madhe të parametrave kryesor të ekonomisë ndërkombëtare, do të varros ekonominë ndërkombëtare. Do të varros edhe besimin e vendeve në SHBA dhe BE si garant ekonomik. Për këtë arsye, aksione të këtij lloji kanë pasoja shumë serioze,” tha Peskov.

Në fund, Zëdhënësi i Kremlinit, Dmitrij Peskov, konfirmoi se është një listë e pronës perëndimore që në shenjë të hakmarrjes Rusia do ta konfiskonte, por nuk tha se për cilën pronë bëhet fjalë.