“Ministër i Edi Ramës”, Sekretari i Përgjithshëm i PD: Presidenti erdhi si një faktor destabiliteti!

itën.

Sot Presidenti ishte vetëm një faktor destabiliteti me sjelljen e tij, tha Sekretari i Përgjithshëm i Partisë Demokratike, Flamur Noka, me përfundimin e seancës së parë të këtij sesioni duke shtuar se këto janë dhe arsyet shtesë pse mosbindja civile është zgjidhja e vetme për të shpëtuar nga zgjedha e këtij regjimi kriminal.

“Presidenti erdhi si shërbëtor i përulur i Edi Ramës për të bekuar ndryshimet e ligjit që dhunon opozitën, ndryshimet e ligjit që i heq opozitës çdo të drejtë kushtetuese. Erdhi si një ministër propagande.

Sot Presidenti i Republikës u pa qartë para gjithë shqiptarëve se nuk është faktor bashkues dhe siç e thotë kushtetuta, unitet i kombit, por erdhi si ministër për të bërë propagandë për ashpërsimin e diktaturës dhe për mbylljen e çdo hapësire lirie dhe kushtetuese për opozitën,” tha Flamur Noka duke përfunduar:

“Sot Edi Rama vetëm e thelloi skandalin e opozitës, sot presidenti ishte vetëm një faktor destabiliteti me sjelljen e tij dhe asgjë tjetër më shumë.

Pra këto janë të gjitha arsye plus që opozita do të vazhdojë aksionin dhe mosbindja civile është zgjidhja e vetme për të shpëtuar nga zgjedha e këtij regjimi kriminal.”

Fjala e plotë::

Presidenti erdhi si shërbëtor i përulur i Edi Ramës për të bekuar ndryshimet e ligjit që dhunon opozitën, ndryshimet e ligjit që i heq opozitës çdo të drejtë kushtetuese.

Erdhi si një ministër propagande.

Sot Presidenti i Republikës u pa qartë para gjithë shqiptarëve se nuk është faktor bashkues dhe siç e thotë kushtetuta, unitet i kombit, por erdhi si ministër për të bërë propagandë për ashpërsimin e diktaturës dhe për mbylljen e çdo hapësire lirie dhe kushtetuese për opozitën.

Sot Edi Rama vetëm e thelloi skandalin e opozitës, sot presidenti ishte vetëm një faktor destabiliteti me sjelljen e tij dhe asgjë tjetër më shumë.

Pra këto janë të gjitha arsye plus që opozita do të vazhdojë aksionin dhe mosbindja civile është zgjidhja e vetme për të shpëtuar nga zgjedha e këtij regjimi kriminal.

Pyetje: Në llozha kishte edhe ambasadorë, ai britanik dhe gjerman. A e shqetëson opozitën kjo shfaqje në parlament, që nuk lejon presidentin të mbajë fjalën në nisje të sesionit politik.

Flamur Noka: Absolutisht presidenti nuk mund të pranohet nga opozita si ministër propagande i qeverisë. Kjo është e gjitha që mund të thuhet. Aty dhe partnerët dhe gjithë shqiptarët e panë që sot Edi Rama kishte emëruar ministër të ri propagande, presidentin e Republikës.

Pyetje: Si mund të uleni në dialog për reformën zgjedhore, apo të tjera kur ju komunikoni në këtë mënyrë me mazhorancën.

Flamur Noka: Përsa kohë mazhoranca ashpërson masat për opozitën, i kufizon liritë dhe hapësirat më thoni ku është vendi për tryezë. Tryezën duhet ta thërriste presidenti dhe jo të vinte të bënte ministrin e progandës. Presidenti duhet të kthente ligjin e Komisioneve Hetimore, të kërkonte që projekt-rregullorja e re ta hidhte në kosh, sepse është diktaturë.

Pyetje: Presidenti edhe mund ta kthejë ligjin…

Flamur Noka: Presidenti flet me akte, kur vjen e lexon hartime është ministër propagande. Presidenti i drejtohet me akte Kuvendit.

Pyetje: Nëse presidenti ju thërret në tryezë në presidencë, do të shkoni?
Flamur Noka: Nëse presidenti do të luante detyrën e tij kushtetuese, opozita do të respektonte. Por përderisa presidenti vjen i thirrur në ndihmë të Edi Ramës, për të bërë ministrin e propagandës, absolutisht jo. Çfarë ka ndryshuar nga dhjetori deri më tani, ka vetëm një ndryshim. Opozita është më e dhunuar, kreu i opozitës është i burgosur politik, dhe  regjimi bën reprezalje më të thella. Çfarë ka ndryshim. Ne vetëm do të vazhdojmë aksionet e mosbindjes civile.

Pyetje: Basha ishte i ulur në karrige nuk e pashë të lëvizte. A patët ndonjë komunikim brenda në sallë?

Flamur Noka: Unë po flas për opozitën, ju po më flisni për marionetat e pushtetit. Ky është aksion i opozitës, jo i marionetave të pushtetit.