Çfarë do Rusia nga dialogu Kosovë-Serbi?

Për problemin e Kosovës, Moska do një zgjidhje të pranueshme për Serbinë.

Kështu tha zëdhënësja e Ministrisë së Punëve të Jashtme të Rusisë, Marija Zaharova.

“Ne kundërshtojmë fuqimisht afatet artificiale në dialogun Beograd-Prishtinë. Duke u nisur nga fakti se një zgjidhje për problemin e Kosovës është e mundur vetëm në kushtet e pranimit të saj nga ana e Serbisë”, tha Zaharova për Agjencinë serbe të lajmeve Beta, ndërkohë e pyetur nëse Beogradi dhe Prishtina arrijnë një marrëveshje pa përfshirjen ose konsultimin e Moskës ajo shtoi:

“Pozicioni i Rusisë është që ky proces duhet të respektojë të drejtën ndërkombëtare dhe se baza e zgjidhjes së çështjes së Kosovës është Rezoluta 1244 e Këshillit të Sigurimit të OKB, me të cilën Kosova është pjesë e Serbisë.”