“Partizani”, Apeli i GJKKO konfirmon masën për Berishën: Arrest shtëpie! Avokatët drejt rekursit

Gjykata e Posaçme e Apelit për Korrupsionin dhe Krimin e Organizuar ka lënë në fuqi masën e sigurisë për Ish-Kryeministrin Sali Berisha në çështjen “Partizani”: Arrest shtëpie!

Pas këtij vendimi, avokati i Ish-kryeministrit Sali Berisha, u shpreh se qëllimi i një vendimi të tillë është izolimi i Berishës.

“U dekriptua qëllimi politik i mbajtjes. Nuk ka rëndësi nëse ish-kryeministri paraqitet apo është në dispozicion të hetimit. Qëllimi është që ai të izolohet. Gjykata nuk është shprehur gjithashtu mbi kërkesën për përjashtimin që kemi ankimuar,” tha avokati Genc Gjokutaj duke e bërë të qartë se beteja vazhdon.

Ndryshe, Ish-Kryeministri Sali Berisha kërkonte pranë Apelit të GJKKO ndryshimin e masës “arrest shtëpie” që ishte caktuar më 30 dhjetor të vitit 2023, vendim të cilin gjykata vendosi ta lërë në fuqi, për të cilën avokatët që sot deklaruan se hapi i radhës është rekursi në Gjykatën e Lartë.