Mbytet 30-vjeçari në plazhin e Vilunit, hyri në det të shpëtonte të fejuarën

Një tjetër pushues ka humbur jetën si pasojë e mbytjes në det. Viktima është një 30-vjeçar, i cili është mbytur në Velipojë, në plazhin e Vilunit.

Ai quhet Ervin Palaj, sipas informacionit paraprak dhe është nga fshati Dajç i Shkodrës. Ai hyri në det për të shpëtuar të fejuarën, por nuk arriti të mbijetojë, edhe pse iu dha ndihma e parë.

Policia ndodhet në vendin e ngjarjes. Ky është rasti i dytë i mbytjes në det të një pushuesi në Velipojë.