Hapet baza ajrore në Kuçovë, Wisner: NATO është më e fortë dhe më e madhe!
Shqipëria dëshmon se është një partnere e besueshme në mbrojtën e vlerave të përbashkëta perëndimore, tha I ngarkuari me punë i Ambasadës Amerikane në Tiranë, David Wisner, gjatë fjalës së tij në ceremoninë e inaugurimit të bazës së re ajrore të NATO-s në Kuçovë, të cilën Kryeministri Edi Rama e cilësoi si një element sigurie për rajonin tonë, Ballkanin Perëndimor
“Do ta përgëzoj Shqipërinë në përurimin e bazë së parë ajrore të NATO në Ballkan, dhe ky është një gur kilometrik në përkushtimin e Shqipërisë ndaj parimeve të NATO në mbrojnë e paqes, lirisë dhe demokracisë dhe kundërshtimin e kërcënimeve përmes parandalimit dhe mbrojtjes. NATO qëndron si aleanca më e qëndrueshme dhe më e suksesshme në histori,” tha I ngarkuari me punë i Ambasadës Amerikane në Tiranë, David Wisner, duke përfunduar:
“Pavarësisht sfidave të mëdha, NATO është më e fortë dhe më e madhe dhe me burime më të mira.”
Ndërsa Kryeministri Edi Rama tha se baza ajrore e NATO-s në Kuçovë, me infrastrukturë moderne për flotën e helikopterëve e dronëve të armatosur dhe avionët luftarakë të Aleancës, do të shërbejë edhe për të çuar në një tjetër nivel përgatitjen e aviatorëve shqiptarë ndërkohë i jep vendit tonë një rëndësi të re gjeostrategjik.
“Me një rëndësi që i tejkalon kufijtë e Shqipërisë dhe është një element sigurie për rajonin tonë, për Ballkanin perëndimor që e dimë se është një rajon që shpesh shoqërohet me tensione. Dy helikopterët e rinj janë pjesë e një rritjeje që do të vazhdojë.
Nga ana tjetër dua të falënderoj të gjithë banorët e zonës, për durimin që kanë treguar gjatë rindërtimit të kësaj baze. Uroj që shumë që baza të sjellë për ta mundësi të reja punësimi dhe për të gjithë zinxhirin e shërbimeve duke ndikuara edhe në ekonominë lokale.
Dua të falënderoj të gjithë ata që kontribuuan duke filluar nga aleatët tanë të NATO-s me shpresën dhe besimin që kjo bazë e re do të shoqërohet nga baza e re detare e NATO në Porto Romani gjë për të cilën po punojmë ngushtësisht dhe së shpejti do t’i gëzohemi lajmit së shpejti të këtij plani,” tha Edi Rama.
Ministri i Mbrojtjes Niko Peleshi, duke e shpall Zyrtarisht rihapjen e bazës ajrore të Kuçovës tha se do jetë baza kryesore e Forcave tona ajrore dhe një pikë strategjike për Aleancën dhe rajonin.
“Sot deklarojmë Zyrtarisht rihapjen e bazës ajrore të Kuçovës. Krenaria e sotme është mëse e ligjshme. Një vend i vogël si ne ka nderit ti ofrojë aleancës këtë aset të vyer në skemën e mbrojtjes kolektive. Erdhi koha që në Kuçove të ndjehen avionët e NATO-s. Kuçova do jetë baza kryesore e Forcave tona ajrore.
Black Hock dhe dronët Bajraktar janë aktualisht në gatishmëri të plotë për të nisur fluturimet në bazë. Numri i tyre do rritet ndjeshëm në vijim. Aleatë shiheni këtë bazë si pike strategjike. Baza ka kapacitet për përballjen me fatkeqësitë natyrore. Nyje lidhëse për vendet e rajonit,” tha Niko Peleshi duke përfunduar:
“Jo më larg se dy vite më parë nuk e kishim menduar se Europa do përballet me një agresion të tillë siç po ndodh me agresionin rus në Ukraine. Gjithçka pritet nga fronti i lindjes, duhet të jemi të përgatitur bashkimin i forcave dhe bashkimin e kapaciteteve tona mbrojtëse.
Ndryshe, dy avionë amerikanë F-16 fluturuan sot mbi bazën e Kuçovës, ndërsa dy Eurofighater italianë, ishin të parë avionë të NATO-s që u ulën në pistën e saj.
Baza ajrore e NATO-s në Kuçovë vjen me një infrastrukturë të re. Në këtë bazë ajrore taktike të NATO-s në Kuçovë janë instaluar stacioni i kontrollit tokësor për dronët e njohur si Blloku Taktik 2.
