Rusët duan kaos, Aggeler: Zgjedhjet në Maqedoni të Veriut do t’i vëzhgojmë nga afër!

“Maqedonia e Veriut është në Evropë. Duhet të jetë në BE. Ajo meriton integrimin e plotë euroatlantik. Ajo ka nevojë për më shumë tregje të hapura. BE është e ardhmja e ndritur e vendit,” tha Ambasadorja e Shteteve të Bashkuara në Shkup, Angela Aggeler, e cila shpreson që kjo çështje të ngrihet gjatë zgjedhjeve.

Duke u zotuar se SHBA do ti vëzhgoj nga afër zgjedhjet, në një intervistë për TV21, Ambasadorja Aggeler përveç dinamikës së partive shqiptare foli dhe për ndërhyrje nga jashtë, përkatësisht ndërhyrjen ruse e cila dëshiron vetëm kaos.

“Sinqerisht, nuk kam një mendim të caktuar për zgjedhjet presidenciale. Mendoj se është logjike që raundi i dytë i zgjedhjeve presidenciale të jetë së bashku me zgjedhjet parlamentare. Është e mrekullueshme. Ne do të shikojmë gjithçka nga afër. Në mesin e partive shqiptare ka një dinamikë interesante mes partive. Ne i monitorojmë nga afër të gjitha zgjedhjet, por monitorojmë edhe nëse ka ndërhyrje nga jashtë,” tha Ambasadorja amerikane në Maqedoni të Veriut, Angela Aggeler e sigurt se propaganda ruse është prezente në zgjedhjet në Maqedoninë e Veriut ndërsa rikujtoi se Rusia ka ndërhyrë edhe në zgjedhjet në SHBA duke përfunduar.

“Jam e sigurt që ka propagandë ruse, dëgjo, rusët ndërhynë në zgjedhjet tona të fundit. E di, e di. Dhe ata dëshirojnë shumë të shpërndajnë kaos. Dhe ata kanë forma të ndryshme. Do ta vëzhgojmë këtë nga afër.”

Ndryshe fushata për zgjedhjet presidenciale që zhvillohen më 24 Prill, filloi zyrtarisht dje dhe do të zgjasë 20 ditë. Raundi i dytë i zgjedhjeve presidenciale pritet të mbahet më 8 Maj kur do të mbahen dhe zgjedhjet e përgjithshme!