Aksidentohet eskorta e Hashim Thaçit. Presidenca thotë…
Eskorta e Presidentit Hashim Thaçi, është përshirë në një aksident trafiku pasditen e së hënës, raporton Koha.net.
Sipas Policisë së Kosovës, nga aksidenti nuk ka të lënduar, por vetëm dëme materiale.
“Rreth orës 15:00 është raportuar një aksident trafiku pa lëndime por me dëme materiale, në rrugë Prishtinë-Pejë, afër Kroit të Mbretit në Komoran. Njësitet policore kanë dalë në vendin e aksidentit për të kryer procedurat e parapara për vend-shiqim. Pas kryerjes së procedurave, në kohë optimale, rruga është lëshuar për qarkullim normal”, tha zëdhënësi i Policisë, Daut Hoxha.
Presidenca konfirmon aksidentin
Aksidenti ku u përfshi eskorta e Presidentit të Kosovës, Hashim Thaçi, në Komoran të Drenasit është konfirmuar edhe nga Presidenca.
Në këtë aksident, siç bën të ditur zyra për informim e Presidencës, përveç dëmeve materiale, askush nuk është lënduar.
“Presidenti Thaçi, pas zhbllokimit të komunikacionit, ka vazhduar me agjendën e tij ditore”, theksohet në njoftimin e Presidencës.
