Aksident i rëndë trafiku. Dy të vdekur dhe…
Dy persona kanë vdekur në një aksident trafiku që ka ndodhur pasditen e së hënës në fshatin Gllarevë, në rrugën nacionale Prishtinë – Pejë.
Lajmin për vdekjen e dy personave e ka konfirmuar Policia e Kosovës.
Së paku katër automjete, një kamion dhe tri vetura, janë përfshirë në këtë aksident, në të cilin përvec të vdekurve ka edhe të lënduar.
Tre persona po mjekohen në Qendrën Klinike Universitare të Kosovës.
Nga aksidentet që po ndodhin gjatë këtyre ditëve në trafikun e Kosovës, për fat të keq, po vijnë statistika luftërash.
