Skandali te Magjistratura, Flamur Noka: Krim shtetëror i sigurimsit Arben Rakipi

Sekretari i Përgjithshëm i Partisë Demokratike, Flamur Noka, me mesazhin për lirimin e liderit të opozitës në bluzën e tij “Free Berisha, free the opposition”, nga foltorja e parlamentit vlerësoi sot se skandali i Shkollës së Magjistraturës është një nga skandalet më të rënda që mund të ndodhë që praktikisht është kapje e sistemit të drejtësisë.

“Në mënyrë të fshehtë dhe tinëzare, pa u njoftuar askush, spiuni i Sigurimit të Shtetit, Arben Rakipi, vendos që testet të korrigjohen manualisht. Sipas tij, pajisja ka korrigjuar vetëm 96 pyetje nga 100 të testit. Kush e solli këtë pajisje? A u testua ajo? Askush nuk jep përgjigje. U shpallën nga 411, 79 fitues. Më pas, dy ditë mbrapa shtohet lista me 42 fitues të tjerë. Edhe ditën e tretë duhet shtuar lista se nuk u kënaqën patronazhistët e rilindjes. U shtua lista edhe me 10 të tjerë,” tha Flamur Noka duke folur për një krim shtetëror, që sipas tij, ka për synim jo të prodhoni brez të ri juristësh që do jenë nesër prokurorët apo gjyqtarët e nesërm, por që patronazhistët të mbushin sistemin e drejtësisë:

“Që ju të vidhni dhe ata t’i mbrojnë se do jenë ushtarët tuaj. Ky hap tregon se u kanë zënë ethet nga vjedhja dhe babëzia dhe sistemi i drejtësisë është shpresa se duke e kapur, do shpëtoni. Nuk shpjegohet ndryshe siguria që kishte spiuni i Sigurimit të Shtetit, Arben Rakipi, të thoshte që nuk më shqetëson pajisja,” tha Sekretari i Përgjithshëm i Partisë Demokratike, Flamur Noka, në denoncimin e tij nga foltorja e Parlamentit duke përfunduar:

“Ky është një krim shtetëror dhe ky krim shtetëror ndodh se as Dumani dhe as Çela nuk i kanë këllqet të hetojnë këtë krim sepse Arben Rakipi është mentori i Dumanit dhe Olsi Çelës.”

Fjala e plotë:

Të flasësh për këtë qeveri, çdo ditë është më e vështirë sepse kalojnë nga skandali në skandal.

Është e vështirë që të kalojë një ditë pa dëgjuar që u pëlcet një skandal.

Skandali i Shkollës së Magjistraturës, aty ku duhet ë formohen gjyqtarët dhe prokurorët, është një nga skandalet më të rënda që mund të ndodhë.

Është praktikisht shkatërrim i sistemit të drejtësisë.

Është praktikisht kapje e sistemit të drejtësisë.

Sepse ata gjyqtarë dhe prokurorë që kalojnë te ajo shkollë, do jenë përjetë në ato karrige.

Çfarë ndodhi? Në një moment që janë ulur 411 konkurrentë, në një sallë ku nuk kishte asnjë përfaqësues ndërkombëtarë, nuk ishin as pedagogët, por vetëm disa punonjës administrate, edhe ata kundër rregullores me telefona në dorë, u shpërnda teza.

Në mënyrë të fshehtë dhe tinëzare, pa u njoftuar askush, spiuni i Sigurimit të Shtetit, Arben Rakipi, vendos që testet të korrigjohen manualisht.

Sipas tij, pajisja ka korrigjuar vetëm 96 pyetje nga 100 të testit. Kush e solli këtë pajisje? A u testua ajo? Askush nuk jep përgjigje.

U shpallën nga 411, 79 fitues. Më pas, dy ditë mbrapa shtohet lista me 42 fitues të tjerë.

Edhe ditën e tretë duhet shtuar lista se nuk u kënaqën patronazhistët e rilindjes. U shtua lista edhe me 10 të tjerë.

Dhe çfarë ndodh?

Për të fshehur këtë krim shtetëror, nuk e rendisin siç e kërkon rregullorja, mbi bazën e pikëve, por mbi bazën e rendit alfabetik që të ngatërrohen pikët.

Pse ndodhi kjo?

Plasja e këtij skandali tregon qartë se synimi juaj nuk është të prodhoni brez të ri juristësh që do jenë nesër prokirorët apo gjyqtarët e nesërm.

Jo, kjo ka vetëm një synim që patronazhistët të mbushin sistemin e drejtësisë, që ju të vidhni dhe ata t’i mbrojnë se do jenë ushtarët tuaj.

Kjo, jo vetëm për shqiptarët, por edhe për çdo ndërkombëtar që ka investuar për të famshmen drejtësi të re, është një kambanë alarmi.

Pas rrëzimit që i bënë vendimit të Gjykatës Kushtetuese, ky është hapi i dytë që ju reformën në drejtësi po e ktheni në reformë të rilindjes, në reformë politike.

Ky hap tregon se u kanë zënë ethet nga vjedhja dhe babëzia dhe sistemi i drejtësisë është shpresa se duke e kapur, do shpëtoni.

Nuk shpjegohet ndryshe siguria që kishte spiuni i Sigurimit të Shtetit, Arben Rakipi, të thoshte që nuk më shqetëson pajisja.

A e di shumë mirë se pika e parë, duhej t’i drejtohej prokurorisë për të hetuar.

Duhej të njoftonte partnerët se u zhvillua testi pa qenë OSBE e pranishme.

Ky është një krim shtetëror dhe ky krim shtetëror ndodh se as Dumani dhe as Çela nuk i kanë këllqet të hetojnë këtë krim sepse Arben Rakipi është mentori i Dumanit dhe Olsi Çelës.

Unë e di se nuk ju bën përshtypje ju se ju thoni se me vjedhjet bëhen filma.

Burri i ministres ther me thikë dhe pritet që të dilni e të thoni se edhe këto bëhen filma me këto.

Vidhen 130 milionë euro, bëhen filma me këto euro se i vjedh Lali Eri.

Ju tundni kokën, por ne nuk ju shohim më si kolegë, por ju dukeni vetëm si kartona jeshilë.

Por po ju them një gjë, me këtë akt ekziston një rrezik që për 30 vitet e ardhshme, drejtësia që deshën shqiptarët të mos jetë ajo drejtësi që e pritën dhe ëndërruan.

Por me këtë akt, duke e mbushur me patronazhistë, drejtësia do jetë politike.

Dhe kur drejtësia bëhet politike, drejtësia reale i ngel në dorë qytetarëve.

Ndaj të jeni të qetë se do vijë dita kur këta të babëziturit këtu, drejtësia reale do i kërrejë.

Por do ju kërrejë edhe ju që jeni kartona jeshilë për të noterizuar babëzinë dhe që as skuqeni dhe as zverdheni.

Të falënderoj se më bëre të qesh se nuk është kollaj të qeshësh.

Unë fola për hajdutë 100 përqind, siç është Erion Veliaj apo kryeministri yt.

Unë nuk fola për hajdutë që vjedhin me lezet siç ke premtuar ti.

Shals, unë nuk di sa pasagjerë shkojnë e vijnë në Rinas, por unë Shals si një gjë mirë, se këtu ka vetëm hajdutë 100 përqind.

Këtë e di mirë.

Sikundër e di se këtu ka vetëm kartona jeshilë 100 përqind dhe jo kolegë të mitë, për fat të keq. Me dhimbje e them këtë.

Sepse pas çdo vjedhje, ju ngrini kartonat, nuk dukeni më kolegë deputetë, se nuk përfaqësoni popullin, përfaqësoni vjedhjen.

Shals, përmende Lazaratin, mirë bëre që e përmende.

Shals, të kujtoj ty dhe Pandit në këtë rast, raportin e Departamentit të Shtetit në vitin 2013, që thotë shprehimisht se trafikantët e heroinës dhe të kokainës kanë shmangur Shqipërinë si korridor tranzit dhe po shohin Bullgarinë, Maqedoninë e Veriut dhe Serbinë për të çuar drogat në Europë.

Shqipëria nuk është më korridor i drogave të forta.

Dhe sot qeveria jote e ka kthyer edhe Kolumbi, edhe Meksikë dhe sot është qendra e drogërave të forta.

Sepse pinë këta mbrapa, pastaj ndodh batërdia me drogat.

Shiko, të përmendësh këtu deklaratën e gjeneral Lisit pasi i dhatë 30 mijë metra katrorë tokë, këtë mund ta bëni ju, se kështu jeni mësuar ju.

Koha ka treguar se ju korruptoni dhe blini.

Në rast se do përgjigjen, aty e ke te 30 mijë metra katrorë të gjeneral Lisit, e ke përgjigjen edhe për hashashin e vitit 2013.

Por unë nuk jam i prirur t’i besoj gjeneral Lisit, Departamenti amerikan i Shtetit, kohën e qeverisjes së Sali Berishës, kur unë isha ministër, të thashë si e tregon.

Ndërsa kohën tuaj e cilëson të gjithë të inkriminuar, që nga ti dhe kryeministri yt, të gjithë të zhytur në batak. Sepse koha juaj është koha e avionëve të drogës, e hashashit, e kokainës, e Xibrakës. Xibraka ju djeg shumë ju.

Edhe Fieri pas Xibrakës, që ishte projekt për laborator të kokainës, por nuk guxoni ta përmendni.

Koha juaj kjo është.

Por e thashë, koha juaj është koha e vjedhjes 100 përqind. Lali Fiku, Lali Vjedhësi ua dha vulën. Hajdut 100 përqind.

Unë po ua them që Arben Rakipi është spiun i Sigurimit të Shtetit, sikundër ti je produkt i krimit në këtë parlament dhe këtë qeveri.

Unë jam ku jam, këtu kam qenë. Letrat e hapura, askush që është i pastër, nuk fshihet pas letrave.

Por po të hapen letrat, del Metamorfoza ku jeni të gjithë të zhytur aty brenda.