Shërbimet sekrete: Rusia po planifikon sabotime në Evropë pa kursyer viktimat në civil
Shërbimet sekrete europiane kanë alarmuar qeveritë e tyre se Rusia po planifikon sabotime të dhunshme në gjithë Evropën. Në analizat e tyre, Agjentët theksojnë se Rusia tashmë ka filluar përgatitjen e sulmeve sekrete me bomba, vendosjen e zjarreve dhe shkatërrimin e infrastrukturës, drejtëpërdrejt ose përmes ndërmjetësuesëve, pa u shqetësuar për viktimat në civil.
“Konsiderojmë se është rritur dukshëm rreziku nga sabotimet,” tha shefi i shërbimit sekret gjerman, Thomas Haldenwang, gjatë një Konference të Sigurisë muajin e kaluar, vetëm disa ditë pasi në Bavari u arrestuan dy shtetas gjermano-rus për shkak të planifikimit të sulmit ndaj një vendi logjistik në Gjermani.
Autoritetet në Britaninë e Madhe nga i fundi i muajit prill kanë akuzuar dy persona për shkaktimin e zjarrit në një depo ku ishin dërgesat për ndihmë Ukrainës. Prokurorët britanik theksojnë se ata po punonin për qeverinë ruse.
NATO: Jemi të shqetësuar
Shërbimet sekrete në Suedi janë duke hetuar disa rrëshqitje të trenave nga shinat para pak kohësh, për të cilat dyshohet se mund të bëhet fjalë për sabotim. Muajin e kaluar, ministri çek i transportit tha se Rusia ka bërë përpjekje që të shkatërroj sistemin e sinjalistik në hekurudhat e Çekisë.
Në muajin shkurt, në Estoni punonjësit e shërbimit sekret rus realizuan sulmin ndaj makinës së ministrit të Punëve të Brendshme. Gjithashtu ministria e Mbrojtjes e Francës ka paralajmëruar sulme të mundshme ruse ndaj objekteve ushtarake, raporton Financial Times.
Të enjten NATO shprehu shqetësimin për shkak të rritjes së aktiviteve malinje ruse në territorin e Aleancës. Gjermania të premten ka kërcënuar me pasoja ndaj Moskës për shkak të sulmeve kibernetike ndaj partisë socialdemokrate të kancelarit Olaf Scholz.
Analistët e institutit britanik “Royal United Services Institute” në raportin e fundit theksojnë se Rusia po punon aktivisht në forcimin e ndikimit të saj në Evropë, me ç’rast përdor ndëmjetësit, siç është diaspora ruse dhe grupet kriminale, me të cilët Kremlini ka lidhje shumëvjeçare.
Shpërthim i dyshimtë në fabrikën e municionit në Wales
Meqë Rusia ka forcuar aktivitetet në kontinentin evropian, shërbimet sekrete janë vazhdimisht në gjendje gatishmërie dhe po bëjnë përpjekje të identifikojnë shënjestrat që ndoshta i kanë humbur. Për shembull, ende ka pyetje pa përgjigje për shpërthimin në fabrikën e municionit BAE Systems në Wales, e cila furnizon Ukrainën me granata.
Në tetorin e vitit 2014 është shkatërruar depoja çeke e municionit ku ndodhej armatimi i dedikuar për Kievin. Më vonë u zbulua se agjentët e shërbimit sekret të ushtrisë ruse kanë vendosur tritol.
Të premten shpërtheu një zjarr i madh në një fabrikë në Berlin e cila është në pronësi të kompanisë për prodhimin e armatimit Diehl, e cila gjithashtu furnizon Ukrainën.
Për shuarjen e zjarrit u angazhuan mbi 160 zjarrfikës të specializuar, ndërsa banorëve në pjesën më të madhe në perëndim të kryeqytetit iu tha të mbyllin dritaret për shkak të avujve të mundshëm toksik.
“Sabotimet deri më sot kanë shërbyer për shkaktimin e kaosit, por mund të përdoren edhe për prodhimin e dezinformatave. Rusia gjithashtu dëshiron që përmes këtyre sulmeve të zbuloj sa më shumë, në rast se vërtetë dëshiron mobilizimin e Evropës. Këto janë stërvitje,” tha këshilltari i lartë në institutin britanik The Royal Institute of International Affairs, Keir Giles.
