Kurti: Opozita duhet të bëhet gati për zgjedhje, ne gjithmonë jemi gati

Kryeministri i Kosovës, Albin Kurti, tha sot se opozita duhet të bëhet gati për zgjedhje, ndryshe nëse opozita është rahat mandati i tij shkon deri në fund.

“Opozita duhet të bëhet gati. Ne jemi gjithmonë gati, përndryshe nëse ata janë rehat shkon mandati deri në fund,” tha Albin Kurti pas ceremonisë së hapjes së edicionit të 23-të të Panairit Ndërkombëtarë EXPOKOS, kur u pyet nga gazetarët nëse është gati të shkojë në zgjedhje.

Sa i përket takimit me kreun e PDK-së, Memli Krasniqi, Kryeministri i Kosovës, Albin Kurti tha se për të ka qenë e rëndësishme të diskutohet agjenda legjislative, pasi sipas tij ka shumë Marrëveshje Ndërkombëtare që kanë mbetur pa u miratuar.