U tjetërsua te Rana e Hedhun, Gjykata e Apelit hap rrugën e regjistrimit si pronë shtet

Gjykata e Apelit ka rrëzuar vendimin e Gjykatës së Lezhës, duke i hapur rrugë regjistrimit si pronë shtet të sipërfaqeve që u tjetërsuan tek Rana e Hedhun në Shengjin, e për të cilin u dënuan disa zyrtarë, përfshirë dhe Ish-Kryetarin e Bashkisë Lezhë, Fran Frrokaj.

Gjykata e Apelit ka pranuar kërkesën e Prokurorisë të kalimit në favor të shtetit të pasurive të sekuestruara me vendimin nr.304 datë 25.09.2019 dhe vendimit nr.350 date 06.11.2017 e dhënë nga Gjykata e Lezhës për efekt të procedimit penal nr.671 të vitit 2017 për 10 pasuri me sipërfaqe rreth 290 mijë metra katror.

Ndryshe, në shkurt të këtij viti, Gjykata e Lezhës rrëzoi kërkesën e Prokurorisë së Lezhës për kthimin e kësaj siperfaqe në favor të shtetit, por tashmë është Gjykata e Apelit që i dha fund kësaj drame se çfarë do të ndodhë me pronat në zonën e Ranës së Hedhun në Shëngjin.