Nuk mund të qëndroj pranë të majtës! Gënjeu 5 ditë më parë Meloni, sot me të majtën ekstreme në Shqipëri
“Nuk mund të qëndroj pranë të majtës as në Itali, as në Europë, as kudo!” Kështu u shpreh pesë ditë më parë Kryeministrja e Italisë, Giorgia Meloni, gjatë një interviste për Skuola.net, duke theksuar distancën ideologjike në mes të partisë së saj dhe forcave të majta politike.
“Ata janë dy modele alternative për njëra tjetrën,” tha Meloni duke e konsideruar mundësinë e aleancës me Partinë Popullore Evropiane me këtë arsyetim:
“Me të gjithë që janë qendra e djathtë, siç po ndodhë në Itali, mund të gjeni sinergji. Mendoj se në Europë duhet të ndërtohet një shumicë kompatibël.”
Pesë fjali, pesë mashtrime, pesë ditë më parë na i tha Kryeministrja e Italisë, Giorgia Meloni, dhe sot vjen me një Kryeministër të Shqipërisë si Edi Rama që drejton të majtën me bijat dhe bijtë e atyre që drejtuan diktaturën e Enver Hoxhës, dhe janë shumë më ekstremistë se baballarët; Dhe, çuditëisht kanë gjetur sinergjinë më Melonin për të bërë dhe marrëveshje që zgjidhin çështje emigracioni edhe të të gjithë shtetit italian!
Dhe, pas këtyre gënjeshtrave vjen në ceremoninë inaugurimit të gënjeshtrës së rradhës në Shqipëri ku nuk u hapën dy qendrat pritëse të emigrantëve në Portin e Shëngjinit dhe në Qendrën Pritëse të Gjadrit, siç e parashikonte më 20 Maj, Protokolli i Bashkëpunimit mes Shqipërisë dhe Italisë për trajtimin e emigrantëve që mbërijnë nga Afrika në brigjet e Italisë, por, sot, pas një presioni të madh mediatik në botën italiane!
Çfarë do të inauguron sot Kryeministrja e Italisë, Giorgia Meloni, vetëm Zoti e dinë, ndërsa çfarë do ti shes me Kryeministrin Edi Rama opinionit italian mbetet për tu parë në orën 12:20, ku është parashikuar inspektimi nga afër i ecurisë së punimeve të dy qendrave pritëse të emigrantëve në Portin e Shëngjinit dhe në Qendrën Pritëse të Gjadrit.
Vizita e kryeministres italiane në Shqipëri do të zgjasë vetëm disa orë ku pas vizitës në Shëngjin dhe Gjadër, Giorgia Meloni nën shoqërinë e liderit të së majtës ekstreme në Shqipëri, Edi Rama, do të kthehet menjëherë në Romë. Arsyet dihen, fushata elektorale e zgjedhjeve për Parlamentin Europian që zhvillohet më 6 Qershor, ku Meloni kryeson listën “Vëllezërit e Italisë”.
Ndryshe, Protokolli i Bashkëpunimit mes dy vendeve me një afat 5 vjeçar, parashikon që në Shqipëri të strehohen deri në 36.000 emigrantë për një vit. Numri i emigrantëve, që do të qëndrojnë në të njëjtën kohë, sipas marrëveshjes, nuk mund të kalojë shifrën e 3 mijë personave dhe koha e qëndrimit të tyre do të jetë 28 ditë, aq sa është afati i shqyrtimit të kërkesës për azil.
