Meloni i erdhi inati nuk i del, Edi Rama me mediat italiane, baltën, afganët, NATO-n…

Kryeministrja e Italisë Giorgia Meloni i erdhi për vizitë në kampin e afrikanëve në Shëngjin, por Kryeministrit Edi Rama nuk po i del inati nga investigimi i RAI 3, sërish iu kthye baltës, mediave italiane, baltës dhe sot shtoi edhe verbërinë e gazetarëve italianë që shohin mafian në qeveri dhe nuk shohin afganët këtu në Shëngjin, ku sipas të parit të qeverisë vazhdojnë të vijnë nga 80 në javë dhe ata që nuk i merr SHBA mesin në shtetin shqiptar.

Dhe, kryeministri që largoi mbi 1 milion shqiptarë nga toka e vet, zemërgjerë me afganët dhe afrikanët vazhdoi vrerin e tij që e nisi dje:

“Gazetarë italianë, më lejoni të shkreh lehtësimin e kënaqësinë t’ju shoh të gjithëve këtu shëndoshë e mirë pasi sipas një gazeta italiane këtu veprojnë bandat që merren me trafikun e qenieve njerëzore.

Gazeta e të nesërmes thotë se po merrej edhe prokuroria me këtë fakt.

Megjithëse prokuroria edhe e krimeve të Rënda na ka sqaruar se diçka e tillë nuk ekziston.
SPAK thotë që nuk ekzistojnë premisat për të folur në lidhje me një mafie shqiptare që përdoret për të hedhur baltë mbi Shqipërinë, nuk mund të flasim për grupe të ngjashme me Ndragetën apo Cosa Nostaa.
Shpreh shqetësim për gjysmë të vërtetat që janë thënë në Itali.

U hodh baltë për të sulmuar marrëveshjen mes dy vendeve për emigrantët. Duhet të turpërohen të gjithë atë që të drejtën për të kundërshtuar marrëveshjen e kanë shndërruar në abuzim të pushtetit të katërt,” vazhdoi Edi Rama monogoloun e djeshëm ndërsa i shtoi akuzave të tij edhe NATO-n.

“Qeveria nuk ka njohur paqe në luftën ndaj krimit dhe nuk ka kthyer kurrë kurrizin ndaj Italisë dhe vendeve mike. Këtu pranë jeton një komunitet afgan, njerëz që janë larguar nga vdekja pas rënies së Kabulit, njerëz që nuk janë pranuar nga asnjë vend anëtar i NATO-s. Vetëm një pjesë e tyre shkuan në SHBA.

Disa gazetarë investigativë vijnë këtu dhe nuk shikojnë afganët, nuk shohin qindra emigrantë që kanë ikur nga vdekja, por shohin shpirtra të kriminalitetit, që ekzistojnë në mendjet e tyre kur paguajnë biletat për të ardhur në Shqipëri, për të informuar publikun me shkrime që janë parapërgatitur. Unë jam krenar për Shqipërinë që mund t’i shërbej Italisë.”

Nga fundi, kur po mërziteshin nga fjala e tij pa fund, Edi Rama në Shëngjin para homologes italiane u kujtua të thotë se kjo marrëveshje mund edhe të rezultojë jo e duhur, por, e pranoi se është bërë me zemër.

“Askush nuk ka vendosur që ta vendoste Shqipërinë dhe Shqiptarët në zemër të Europës. Mund të kemi dyshime për çdo gjë. Do të shihet nëse do të jetë një marrëveshje me vlerë apo gabim. Por nëse është gabim, e kemi bërë me zemër dhe jo nga llogaritë e egra. Në vend që të flasin dhe të flasin, u përpoqëm që të bëjmë. Ne vendosëm pa ndenjur në vend siç bënin priftit e Kostandinopojës që flisnin për seksin e ëndërrt. Shpresoj që trazimi që kam në shpirtin tim, për faktin që kam jetuar si kryeministër i këtij vendi të gjithë këtë spektakël i gjysmë të vërtetave.

Dua të falënderoj Georgian, kryeministren e një vendi që jemi të lidhur me një mënyrë të pandashme. Italia ka qenë një partner. Duhet të jemi të dobishëm. Me të gjithë kemi pasur një marrëdhënie vëllazërie, dhe të gjithë kanë bërë më të mirën e tyre për të na ndihmuar. Shokët e mi të së majtës italiane shprehin konsiderata se si vepron qeveria shqiptare.

Por tesera në një fushë politike veprimi nuk ka të bëjë për ne. Qeveria italiane do të jetë gjithmonë qeveria e një vendi me të cilën na lidh një mundësi e veçantë. Madje të mendoje, mirë do të ishte sikur të bashkonim vendet tona, dhe partitë politike po ashtu dhe gazetarët.”

Ndryshe, Protokolli i Bashkëpunimit mes dy vendeve me një afat 5 vjeçar, parashikon që në Shqipëri të strehohen deri në 36.000 emigrantë për një vit. Numri i emigrantëve, që do të qëndrojnë në të njëjtën kohë, sipas marrëveshjes, nuk mund të kalojë shifrën e 3 mijë personave dhe koha e qëndrimit të tyre do të jetë 28 ditë, aq sa është afati i shqyrtimit të kërkesës për azil.