Bën pis edhe Ditën e Çlirimit, Edi Rama n’Prishtinë për të mos u takuar me Albin Kurtin
Shumë përpjekje ka bërë Kryeministri Edi Rama dhe sot triumfalisht të futet në Kosovën e përçarë me Presidenten Vjosa Osmani dhe Kryeministrin Albin Kurti, për të marrë dhe “Çelësin e Qytetit” nga Kryetari i Komunës Prishtinë, Përparim Rama.
Që kjo vizitë e Kryeministri Edi Rama të bëhet më dramatike ndodhë në 25 vjetorin e çlirimit të Kosovës ku së bashku me lobistin e tij dhe Ish-Kryeministrin Italian, Massimo D’Alema, para pjesëmarrjes në konferencën ndërkombëtare “Rugova dhe Perëndimi” organizuar në këtë përvjetor nga Lidhja Demokratike e Kosovës dhe Fondacioni “Ibrahim Rugova”, i treguan qytetarëve të Kosovës se, po, ata janë në Prishtinë, por nuk e takojnë homologun e tyre kosovar, Albin Kurti, ama zhvilluan takim me Presidenten Vjosa Osmani.
Pse Kryetari i LDK, Lumir Abdixhiku, u bë pjesë e lojës së Edi Ram nuk është e qartë, por sot në 25-vjetorin e çlirimit të Kosovës ai organizon konferencën ndërkombëtare “Rugova dhe Perëndimi” ndonëse nuk ka lidhje ashtu si edhe Edi Rama, as me çlirimin dhe as me Ibrahim Rugovën që e ka luftuar deri në vdekje!
Ndryshe, në konferencën ndërkombëtare “Rugova dhe Perëndimi” folës kryesorë përveç ambasadori të shtetit krijues të Kosovës, Jeffrey Hovenier, janë dhe dy përçarësit kryesor të Presidentes Vjosa Osmani me Kyeministrin Albin Kurti, Kryeministri i Shqipërisë, Edi Rama, dhe Ish-Kryeministri i Italisë, Massimo D’Alema! Jeffrey Hovenier, ambasador i ShBA-së.
Ndryshe nga këta lider karagjoz që postin e kreut të qeverisë e kanë për lobim dhe përçarje, Ish-Kryeministri i Britanisë së Madhe në kohën e luftës së Kosovës në vitin 1999, Tony Bler, përveç se do ti drejtohet Parlamentit të Kosovës në orën 10:00 dhe do të zhvilloj një takim me Presidenten e Kosovës, Vjosa Osmani, ai do të zhvilloj takim edhe me homologun e tij, Kryeministrin Albin Kurti.
Më 10 qershor të vitit 1999, Sekretari i Përgjithshëm i NATO-s, Javier Solana, urdhëroi ndalimin e bombardimeve ndaj Serbisë, ndërsa Këshilli i Sigurisë së OKB-së po në këtë ditë miratoi Rezolutën 1244, që mundësoi dërgimin e 37.200 ushtarëve të KFOR-it nga 36 shtete.
Më 12 qershor 1999, misioni i NATO-s i pagëzuar KFOR, zbarkoi në Kosovë i ndarë në pesë zona të përgjegjësisë, amerikan, britanik, francez, gjerman dhe italian ndërkohë filloi largimi i forcave serbe.
Me hyrjen e NATO-s, në Kosovë filloi dhe vendosja e misionit të përkohshëm të Organizatës së Kombeve të Bashkuara, UNMIK, i cili administroi Kosovën deri në pavarësimin e saj, 17 shkurt 2008.
