Dita e nëntë në EURO 2024, Belgjika në kërkim të fitores për të ngelur në garë
Dita e nëntë në Kampionatin Evropian të Futbollit sjell dy sfida interesante! Derisa në orën 15:00 Gjeorgjia do të luaj kundër Çekisë, dy ndeshjet e radhës priten me shumë interes, ku në orën 18:00 Turqia dhe Portugalia do të përballen për kreun e Grupit, ndërsa në orën 21:00 Belgjika do ta kërkoj me patjetër fitoren kundër Rumanisë në mënyrë që të mos i shuhen shpresat!
Në përballjen e orës 15:00 në Hamburg, dy humbëset e raundit të parë Gjeorgjia dhe Çekia përveç se një fitore nderi janë sot në kërkim të tre pikëve që u mundësojnë të mbesin në garë
Ndërkohë dy fitueset në raundin e parë, Turqia dhe Portugalia kanë një përballje në Dortmund që vendos fatin e mëtejmë në garë si kryesuese të Grupit F, ndërsa historia e përballjeve të këtyre kombëtareve favorizojnë ekipin e Cristiano Ronaldos i cili nga shtatë ndeshje fituese ishte në gjashtë prej tyre; Dhe, humbja e vetme ishte miqësorja e luajtur në vitin 2012!
Përballja e orës 21:00 e Grupit më të komplikuar E, pas humbjes së kombëtares belge ndaj sllovakëve dhe fitores së djeshme të Ukrainës ndaj Sllovakisë, i ka lënë Belgjikës vetëm mundësinë e fitores ndaj Rumanisë nëse mendon ta vazhdoj garën në EURO 2024.
Ndërsa Rumania që në përballjen e parë shpartalloi ukrainasit me 3:0, sot fitoren kundër kombëtares belge e kërkojnë për ta vulosur vazhdimin e garës në çerekfinale.
