Pak orë pas tragjedisë në Greqi, kërkohen dorëheqjet e ministrave: Nuk parandaluan …

Pak orë nga tragjedia më e rëndë që ka ndodhur në Greqi në dekadat e fundit, ku si pasojë e një zjarri në periferi të Athinës, humbën jetën 76 persona, mes të cilëve 24 fëmijë, media greke ka kërkuar dorëheqjen e disa ministrave të qeverisë së drejtuar nga Aleksi Tsipras.

Me një shkrim të saj në Zougla.gr, kërkon largimin e ministrave që kanë pasur për detyrë marrjen e masave dhe shmangien e kësaj tragjedie.

“Ka ministra kompetentë që merren me këtë punë, që u janë besuar atyre nga Kryeministri. Kreu i Ministrisë së Brendshme, zëvendës Ministri i Rendit Publik, drejtori i Mbrojtjes Civile, është Panos Skourletis.

Sikur kjo situatë të kishte ndodhur në Japoni, tashmë do të ishin kërkuar dorëheqjet. Ata do të dilnin në ekrane të kërkonin falje dhe do të zhdukeshin.

Ndoshta karriera e tyre politike mbaroi. E njëjta gjë do të kishte ndodhur edhe në Britaninë e Madhe ose në Francë. Ministrat në fjalë do të kishin dhënë dorëheqjen. Pavarësisht nëse do të ishte pranuar apo jo nga drejtuesit’, shkruan Zougla.gr