Mesazh, Sali Berisha: Tre ditët e ardhshme, vendimtare për suksesin e protestës 11 korrikut!

Duke ju drejtuar strukturave të Partisë Demokratike, Kryetari i PD, Sali Berisha, tha se tre ditët e ardhshme janë vendimtare për suksesin e protestës te 11 korrikut me rëndësi të jashtëzakonshme për opozitën.

“Me 11 korrik, ne demokratet dhe demokratët edhe mbështetësit tanë duhet të dëshmojmë para shqiptarëve dhe botës se ne jemi shumica politike e vendit, e gatshme për çdo betejë, për çdo fitore,” tha Kryetari i Partisë Demokratike, Sali Berisha, në mesazhin e tij duke përfunduar:

“O sot o kurrë!

Me 11 korrik të gjithë në Tiranë! Fitore!”

Ndryshe, të enjten e 11 korrikut me fillim në ora 20:00, Partia Demokratike ka thirrë Protestën Kombëtare në Bulevardin Dëshmorët e Kombit në Tiranë, “Të bashkuar, në Betejë”!

Mesazhi:

Pëshëndetje!

Tre ditët e ardhshme janë vendimtare për suksesin e protestës te 11 korrikut, e cila ka një rëndësi të jashtëzakonshme për opozitën. Ajo duhet me çdo kusht të jetë protesta më e madhe dhe më e fuqishme që ka njohur Tirana deri sot!

Ndaj është jetike që në këtë hark të shkurtër kohor të bëni gjithçka për mobilizimin më të paparë, për të garantuar pjesëmarrjen e çdo anëtari dhe antareje, mbështetësi dhe mbështetëse të PD në protestën e 11 korrikut.

Me 11 korrik, ne demokratet dhe demokratët edhe mbështetësit tanë duhet të dëshmojmë para shqiptarëve dhe botës se ne jemi shumica politike e vendit, e gatshme për çdo betejë, për çdo fitore!

O sot o kurrë!

Me 11 korrik të gjithë në Tiranë! Fitore!