Forcat ukrainase futen thellë në Rusi, pushtojnë fshatra, rrëzojnë helikopterë! Reagon Putin…
Forcat ukrainase sot kanë vazhduar me sulme ajrore në rajonin kufitar rus Kursk, ndërsa forcat mbrojtëse gjatë natës kanë shkatërruar katër dronë, ka bërë të ditur ministria ruse e mbrojtjes, një ditë pasi Moska zyrtare akuzoi Ukrainën se ka goditur zonën nga mjetet e blinduara.
Ushtruesi i detyrës së Guvernatorit të rajonit jugperëndimor, Aleksej Smirnov tha përmes rrjetit social Telegram se situata është nën kontroll ndërkohë ministria e Mbrojtjes ka dërguar forca shtesë.
Sudzha, Kursk region ?? pic.twitter.com/dyLQCx5gTz
— MAKS 24 ??? (@Maks_NAFO_FELLA) August 6, 2024
Ndërsa Smirnov thotë se situata është nën kontroll ai kërkon nga dhuruesit e gjakut që të paraqiten në mënyrë që të ripërtrihen sasitë rezervë, zëdhënësja e ministrisë së Jashtme, Maria Zakharova, është më e shqetësuar dhe akuzoi Ukrainën për sulmin në rajonin rus Kursk, si një sulm “terrorist” të radhës mbi civilë, raporton Agjencia shtetërore ruse e lajmeve, RIA.
Ndërkohë Presidenti i Rusisë, Vladimir Putin, konfirmoi se aksionet e forcave ukrainase në rajonin Kursk janë “provokime të përmasave të mëdha” duke akuzuar Ushtrinë e Ukrainës se po sulmojnë objekte civile ndërsa ka ftuar një mbledhje me krerët e agjencive ruse të sigurisë.
Ukrainian Defense Intelligence reports an operation in the northern part of the Black Sea:
— Anton Gerashchenko (@Gerashchenko_en) August 7, 2024
On August 6, 2024, special forces of the Artan active operations unit and the Maritime Center of the Ministry of Defense of Ukraine landed on Tendrivska Kosa and destroyed Russian armored… pic.twitter.com/RQpMdywYKZ
Popullsia e rajonit të Kurskut ka filluar evakuimin ndërsa Aleksej Smirnov konfirmon se pesë persona janë vrarë dhe 20 janë plagosur gjatë përleshjeve shumë të ashpëra.
Ndryshe, në 65 kilometra sa flitet që janë futur forcat ukrainase, burimet ruse konfirmojnë humbjen e katër fshatërave ndërsa ato ukrainase pushtimin e 11 prej tyre.
Rusia ka humbur dy helikopterë dhe dy tanke ndërsa shërbimet sekrete saktësojnë për humbjen e helikopterëve Ka-52 dhe Mi-28 si dhe dy tanke në rajonin Kursk. Kjo u konfirmua edhe nga gazetari rus, Alexander Sladkov, pasi mediat ukrainase raportuan se helikopterët janë rrëzuar me dron FPV.
