Propozim Presidentes, Kryeministri Kurti: Zgjedhjet parlamentare të mbahen më 2 shkurt 2025

Lëvizja Vetëvendosje ka kërkuar zyrtarisht nga Presidentja e Kosovës, Vjosa Osmani, që zgjedhjet e përgjithshme të mbahen më 2 shkurt 2025. Ky propozim drejtuar Presidentes Osmanit është bërë nga Kryetari i Lëvizjes Vetëvendosje, Albin Kurti.

Ndryshe edhe tri partitë opozitare kanë dhënë datën e preferuar për mbajtjen e zgjedhjeve të përgjithshme.

Presidentja e Kosovës, Vjosa Osmani, ditë më parë ka takuar liderët e përfaqësuesit e partive politike, lidhur me konsultimin e përbashkët për caktimin e datës së zgjedhjeve të përgjithshme në Kosovë.

Në pajtim me afatin e përcaktuar në nenin 66 (2) të Kushtetutës së Republikës së Kosovës dhe nenin 5 (2) të Ligjit Nr. 089L-228 për Zgjedhjet e Përgjithshme në Republikën e Kosovës (“Ligji”), zgjedhjet e rregullta për Kuvend, duhet të mbahen përgjatë periudhës 26 Janar – 16 Shkurt 2025.