Protesta opozitare deri në arritjen e qëllimit, Teliti: Qytetarët e Tiranës duan drejtësi!

Opozita nuk tërhiqet nga rezistenca deri në arritjen e qëllimit, tha sot protesta para Bashkisë Tiranë, Nënkryetari i Këshillit Bashkiak, Dorian Teliti, duke e bërë të qartë se qytetarët e Tiranës duan drejtësi.

“Ta harrojnë që ne do të tërhiqemi nga rezistenca, këtu kemi qenë prej 25 javëve dhe këtu do të jemi çdo javë deri në arritjen e qëllimit. Qytetarët e Tiranës duan drejtësi, menaxhim të drejtë, paratë të mos vidhen por të kthehen në shërbime.

Shumë prej jush i kanë çuar fëmijët në shkolla dhe kopshte dhe ajo që kemi parë është kushte jo të favorshme ku mësimi bëhet me dy turne, kopshte të pa mjaftueshme. Paratë janë paguar por ato janë vjedhur me inceneratorët, me 5D dhe dhjetra e dhjetra milionë euro me kontrata pa garë,” tha Nënkryetari i Këshillit Bshkiak të Tiranës, Dorjan Teliti, duke shtuar se gjithë të ardhurat e bashkisë shkojnë për betonizim dhe pastrim parash.

“Paguajmë ujin 44% më të lartë dhe nuk kemi ujë, paguajmë taksat e arsimin dhe arsim nuk kemi, Tirana nuk është më mirë se më përpara po mendimi i tyre shkojnë vetëm të betonizimi dhe pastrimi i parave.”

Ndryshe, sot u zhvillua protesta e 25 e opozitës kundër Erion Veliajt, i cili akuzohet si pronari faktik i inceneratorit të Tiranës dhe shef i grupit të strukturuar kriminal 5D që vjedh taksat e qytetarëve të Tiranës.