Kërkesat e Vuçiçit, Albin Kurti: Fushatë agresive për konflikte të reja!
Kërkesat e Presidentit të Serbisë, Aleksandar Vuçiç për Kosovën, Kryeministri Albin Kurti i ka cilësuar pjesë të fushatës agresive për konflikte të reja që janë bërë nga dëshprimit, ndërsa për sulmin serb ndaj një shtëpie shqiptare në Veri të Mitrovicës ai garantoi sot se do të ndiqen nga organet e Republik së Kosovës.
“Së pari duhet të flisni për tri kushtet që i kam vënë unë, e që janë kushte paqësore dhe racionale, do të thotë janë dorëzimi në autoritetet kosovare i Milan Radojçiçit, është nënshkrimi i Marrëveshjes dhe është gjithashtu tërheqja e letrës së Ish-Kryeministres Brnabiç, e cila tha që nuk e pranon as pavarësinë e Kosovës, as ulësen në OKB për Kosovën dhe as nuk e respekton integritetin territorial të Kosovës.
Ato tri kushte janë paqësore dhe racionale. Ndërkaq ato kërkesat e tij, masat e tij bëhen nga një dëshpërim dhe paraqesin joracionalitet e nuk janë aspak paqësore, por përkundrazi pjesë e fushatës agresive për konflikte të reja që pa dyshim nuk kanë vend as në Kosovë,” tha Albin Kurti ndërsa për zjarrvënien ndaj një shtëpie shqiptare në Veri ai siguroi se dëmet do të riparohem ndërsa kishte një mesazh për sulmuesit:
“Ne do ta bëjmë sanimin e këtij dënimi. Ndërkaq, ata të cilët e bënë këtë krim me këtë koktej molotovi pa dyshim që do të ndiqen nga organet e Republikës së Kosovës.”
Presidenti i Serbisë, Aleksandar Vuçiç, ndryshe sa kishte paralajmëruar që do të shpall pushtimin e Kosovës, duke ju drejtuar kombit lëshoi një ultimatum për Perëndimin pas abuzimit të tij me serbët në Kosovë i dha fund Kryeministri Albin Kurti!
Jo vetëm duke fyer serbët në Kosovë por edhe partnerët e tij perëndimor që kishte në krah duke përfshirë të dërguarin e BE për dialogun Kosovë-Serbi, Miroslav Lajçak, Presidenti serb Vuçiç edhe pse u kishte thënë vetë serbëve të braktisin zgjedhjet Lokale, Policinë e Kosovës, Gjykatat, Prokurorinë dhe instutocionet tjera, ai kërkoj në formë ultimative, gjithçka duke nisur nga status quoja.
Duke e bërë të qartë se Lajçak gënjeu kur tha se Letra e Brnabiçit është tërhequr, ai tha me gojën e vetë se Marrëveshja e Kumanovës është e papranueshme meqë parashikon anëtarësimin e Kosovës në OKB.
Pjesë e këtij spektakli mediatik ishin dhe masat: shpalljen e Kosovës rajon me mbrojtje sociale të veçantë; Institucionet serbe në Kosovë as nuk do të anulohen, as nuk do të mbyllen; Vendosjen e Prokurorisë së Posaçme; Dhe, në fund, shpalljen jolegjitime të të gjitha institucioneve në Kosovë.
