Presidentja e Kosovës në Samitin e Dubrovnikut

Me ftesë të kryeministrit të Kroacisë, Andrej Plenkoviç, Presidentja e Kosovës, Vjosa Osmani, po merr pjesë në Samitin Ukrainë-Evropë Juglindore që po zhvillohet në Dubrovnik.

Në kuadër të këtij Samiti, Presidentja Osmani do të zhvilloj takim me mkryeministrin kroat Plenkoviç dhe Presidentin e Ukrainës, Volodymyr Zelenskyy, teksa me liderët të tjerë nga Evropa Juglindore do jetë pjesë e seancës plenare.

“Gjatë këtij samiti, pritet të riafirmohet mbështetja e palëkundur për integritetin territorial dhe sovranitetin e Ukrainës, rëndësia e sanksioneve kundër Rusisë, bashkëpunimi me BE-në dhe mbështetja e vendeve të Evropës Juglindore për Ukrainën,” thuhet në njoftimin e Presidencës.

Përveç pjesëmarrjes në seancën plenare ku presidentja do të mbajë një fjalim, ajo do të zhvillojë takime edhe me homologët e saj.