Pse Erdogan nuk i besoi Edi Ramës?! Natën e kaloi në Beograd!
Pasi inauguroi Xhaminë e Namazgjasë të ndërtuar në tokën e rrëmbyer në Tiranë, Presidenti i Turqisë, Recep Tayyip Erdogan, u përshëndet me Kryeministrin dhe Kryetarin në detyrë të KMSH dhe Urdhrit Bektashian, Edi Rama, dhe u nis drejt Aeroportit “Nënë Tereza” për të kaluar natën në Beograd, ndonëse tha se kjo Xhami do të jetë simbol i miqësisë vëllazërisë dhe solidaritetit mes nesh!
Duke pasur parasysh se agjenda e presidentit turk fillon sot në orën 11:00 në Beograd dhe udhëtimi maksimalisht 55 minuta, nuk është i qartë gjithë ky mosbesim i autoriteteve turke për të kaluar natën në shtetin që drejtohet nga Edi Rama, aty ku siguria personale e Erdoganit u kujdes me 4 unaza sigurie dhe dhjetëra snajperë ta bëjë qëndrimin e tij në Tiranë të rehatshëm!
Dhe, çfarë ndodhi në kryeqytetin kriminal serb, Beograd! Në aeroport ai u prit nga Presidenti i Serbisë, Aleksandar Vuçiç, i cili me vajtjen e presidentit turk në Beograd, u shfaq në rrjetin social Instagram për të thënë se ky është një rast i ri për forcimin e marrëdhënieve miqësore dhe bashkëpunimit të dy vendeve.
Kryeministri dhe Kryetari në detyrë i KMSH dhe Urdhrit Bektashian, Edi Rama, u mburrë me një numër dronësh kamikaz që i kishte sjell presidenti turk Erdogan, ndërsa në Beograd vetëm sot mund të bëhen publike dhuratat e Erdoganit për Vuçiçin.
Zyrtarisht thuhet se në orën 11:00 do të organizohet ceremonia zyrtare e pritjes para Pallatit Serbia ndërsa në orën 11:20 do filloi takimi i dy presidentëve.
Në orën 12:05 do mbahet mbledhja e katërt e Këshillit të Lartë për bashkëpunim në mes të Republikës së Serbisë dhe Republikës së Turqisë, të kryesuara nga Vuçiç dhe Erdogan.
Ceremonia e firmosjes së marrëveshjes në prani të dy presidentëve do të mbahet në orën 13:00, ndërsa në orën 13:10 është parashikuar të bëhen deklaratat për mediat e presidentëve të Serbisë dhe Turqisë.
Me dhënine e këtyre deklaratave pritet të kuptohen dhuratat e Erdoganit për Serbinë, ndërsa ndryshe nga vizita në Tiranë ku shqiptarët përveç dronëve kamikaz dëgjuan dhe Presidentin e Republikës duke i kërkuar ndihmë për ndërtimin e një Presidence shqiptare të dinjitetshme, në Beograd, në Hotelin Hajat në orën 16:00 do të mbahet forumi i biznesit Serbi-Turqi, me përfaqësues të infrastrukturës, energjetikës, turizmit, tekstilit, ku do të marrin pjesë dhe presidentët Vuçiç dhe Erdogan, ka bërë të ditur Dhoma ekonomike e Serbisë.
Pse kjo marrëdhënie biznesi me shtetin turk, e konfirmojnë statistikat zyrtare që thonë se partneri i katërt importues i Serbisë dhe partneri i 14 i ekportit serb në gjashtëmujorin e parë të këtij viti, është Turqia.
