Vizita e O’Brien, Hovenier: Avancimi i rrugës euroatlantike të Kosovës

Partneriteti me Shtetet e Bashkuara si dhe avancimi i rrugës euroatlantike të Kosovës, ishin temë e diskutimit me krerët e shtetit kosovarë, tha Ambasadori i SHBA në Kosovës, Jeffrey Hovenier, me përfundimin e vizitës së Nd/Sekretarit amerikan të Shtetit për Europën dhe Euroazinë, James O’Brien, në Prishtinë.

“Faleminderit Ndihmës sekretarit O’Brien për vizitën e tij në Kosovë. Patëm biseda të rëndësishme me liderët e Qeverisë për partneritetin me ne për të rritur paqen dhe prosperitetin,” tha Ambasadori amerikannë Prishtinë, duke përfunduar:

“Për të siguruar që të gjithë qytetarët e Kosovës të jetojnë në kushte të dinjitetshme dhe të sigurta dhe për ta avancuar Kosovën në rrugën euroatlantike si një shtet modern dhe europian.”