Protesta paqësore e opozitës irriton Edi Ramën, arreston dhe procedon deputetë e protestues

Protesta e Opozitës me bllokimin e 6 akseve kryesore në vend ndonëse kaloi pa incidente mbrëmjen e së martës, irritoi Kryeministrin Edi Rama i cili zgjoi Policinë e Shtetit për arrestuar dhe proceduar protestues ashtu siç bënë kriminelët e zellshëm me uniformë në Elbasan.

Kështu, Policia e Tiranës ka proceduar penalisht 4 deputetë të Partisë demokratike dhe mbi 25 protestues, me akuzën për “Organizim dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit”.

Të mërzitur pse protestuesit e opozitës nuk shkaktuan trazira Policia e Tiranës procedoi deputetët, Flamur Noka, Albana Vokshi, Xhelal Mziu dhe Asllan Dogjani.

Vigjilent, policia ishte edhe në Kurbin, ku për bllokimin e mbikalimit të Milotit u proceduan penalisht mbi 15 protestues ndone për tre orë nuk u shënua as shqetësimi më i vogël i atyre qytetarëve që jo vetëm se nuk u ndjen të provokuar që po prisnin në rrugën e bllokuar, por me admiim po shikon opozitën e zgjuar në një protestë që merr kuptimin e plot të mosbindjes civile.

Ndërsa Policia e Fierit, përkundër gjithë komplimenteve që opozita mori për protestën paqësore në rrethrrotullimin e Levanit nga i gjithë populli normal i këtij qarku, , u mburr dhe publikoi listën e anëtarëve dhe drejtuesve të strukturave të Partisë Demokratike, që janë shoqëruar dhe proceduar, ndër të cilët edhe deputeti i PD, Luan Baçi:

Gentian Koçi, Robert Marku, Sali Isufaj, Artur Alibeaj, Mikel Hoxhaj, Emiljano Paja, Arben Driza, Eduart Spaho, Mikel Berisha, Pandi Tole, Durim Refiti, Kastriot Plaka, Alush Pasha, Hebet Selimi, Dritan Dogani, Enver Plaka, Ylli Plaka, dhe, Luan Baçi.

Ndërsa në Elbasan, aty ku dhe filloi dhuna policore mbrëmjen e së martës kur Policia e Elbasanit nuk lejoi as protestën tre orëshe në rrethrroturllimin e Bradasheshit, përfunduan në pranga tre protesutes ndërsa procedim në gjendje të lirë për 20 protestues dhe tre deputetë.

“Në përfundim të veprimeve hetimore dhe operacionale, në lidhje me tubimin e zhvilluar ditën e djeshme, në Bradashesh, veprime këto të kryera nga strukturat hetimore të Komisariatit të Policisë Elbasan, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, u arrestuan në flagrancë shtetasit A. P., H. L., E. P., të tre banues në Elbasan, për veprat penale “Organizimi dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit” dhe “Mosbindja ndaj urdhrit të punonjësit të policisë së rendit publik”.

Gjithashtu, u referuan materialet në Prokurori, ku nisi procedimi në gjendje të lirë për shtetasit T. A., Q. A. dhe E. S., të tre deputetë të Partisë Demokratike, si dhe për shtetasit I. K., A. B., B. H., A. B., S. Sh., H. T., D. S., A. K., D. K., A. B., B. T., Y. B., Xh. I., E. Sh., A. M., P. P., A. T., S. P., N. P. dhe Q. Sh., për veprat penale “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit”.

Në vijim u shpallën në kërkim shtetasit L. T., G. C. dhe G. Ç., për veprat penale “Organizimi dhe pjesëmarrja në grumbullime dhe manifestime të paligjshme” dhe “Pengimi i qarkullimit të mjeteve të transportit”.

Ditën e djeshme, këta shtetas janë grumbulluar në aksin rrugor “Tiranë-Elbasan”, te rrethrrotullimi në Shijon, dhe për rreth 2 orë, kanë penguar qarkullimin e mjeteve në të dyja senset e aksit. Më tej, nga verifikimet ka rezultuar se shtetasit e arrestuar E. P. dhe H. L., si dhe shtetasi i proceduar A. B., kanë lënë 3 automjete në rrugë, me qëllim bllokimin e qarkullimit. 3 automjetet janë lëvizur nga rruga, në përfundim të tubimit, dhe janë sekuestruar nga Policia, ndërsa 1 automjet tjetër është shpallur në kërkim.

Vijon puna për kapjen e 3 shtetasve të shpallur në kërkim, identifikimin e automjetit të katërt që bllokoi qarkullimin, si dhe në drejtimin e Prokurorisë, po hetohet për të identifikuar shtetasit e tjerë të implikuar në paligjshmëri gjatë tubimit,” shprehet Policia e Elbasanit, aty ku nuk ka filluar dhe nuk po fillon puna për kapjen e asnjë krimineli, ndonëse vazhdon të jetë qyteti më i kriminalizuar në Ballkan!

Ndaj dhunës së ushtruar mbrëmjen e së martes dhe veprimeve të policisë ka reaguar edhe sot deputeti i PD, Tomor Alizoti përpara Drejtorisë së Policisë në Elbasan duke i bërë thirrje demokratëve që të rezistojnë pasi regjimet kur janë të frikësuar bëjnë presion dhe kur dhuna është prezente shteti është në kulmin e dobësisë.

“Unë kam qenë drejtues i një qarku të majt si Berati dhe policia nuk ishte në këtë formë që është policia e Elbasanit. Vetë në Elbasan kam parë makina policie me xhama të zinj që nuk i ndaj dot nga gangsterat. Ne kemi përgjimet në SKY që drejtori  i policisë së Elbasanit që komunikon me banditët.

Nëse ata do të merren me qytetarët e thjesht që protestojnë, asi njerëzit nuk protestojnë në atmosferë, por në tokë se aty jetojnë. Protesta është zemërim. Përse njerëzit protestojnë në Berlin ose Greqi duke e zënë rrugën, pasi kërkojnë të prodhojnë një anomalitet për të treguar zemërimin e tyre. A e dini ju që drejtorë policie janë arratisur, policia është bashkautorë në krim, drejtorët kanë vila kudo dhe policia e shtetit është shumë e dhunshme. Nuk ka një drejtues policie që të thotë një emër të kriminelëve,” tha sot Tomor Alizoti duke përfunduar

“Përse duhet të sillen policët si horra me makina 100 mijë euro ndër qytetarët jetojnë me 5 euro.

Ne nuk e lëmë këtë punë, për mua është pasion të luftoj kundër pisave. Ambulancat janë rrengje që vijnë bosh, kur bën Veliaj bën maratonë nuk vjen asnjë ambulance ndërsa sa të bëjmë ne një protestë vijnë ambulancat pa fund. Hapi jonë është rezistencë, ne u sollëm si qytetarë me policinë por nëse policia sillet si garipe me ne do të përballemi më fort.

I bëj thirrje demokratëve të protestojnë, të rezistojnë pasi kur regjimet janë të frikësuar bëjnë presion dhe kur nuk bëhet më politikë prodhohet polici dhe kur dhuna është prezente shteti është në kulmin e dobësisë.”