“Presidenti Ilir Meta spiun”, Autoritetit Dosjeve, Bardhi: U përdorët politikisht!
Kryetari i Grupit Parlamentar të Partisë Demokratike, Gazment Bardhi, ka akuzuar sot Autoritetin për të Drejtën e Informimit mbi Dokumentet e Ish-Sigurimit të Shtetit se u përdor politikisht me çështjen e Presidentit Ilir Meta, duke vënë në pikëpyetje integritetin e këtij institucioni.
“Një nga arsyet pse Kuvendi ja u jep paratë është të bëni detyrën dhe të mos ngatërroheni me politikë. Dy vite më parë, nxorët një letër dhe ia dhatë Kryetares së Kuvendit, sikur keni zbuluar një gjë të madhe. Lindita Nikolla doli në konferencë dhe shpalli tronditjen e saj politike, njerëzore e psikologjike. U morën mediat dy muaj dhe u harruan. A mund të na thoni ça u bë me atë çështje?,” tha Gazment Bardhi në Komisionin për Çështjet Ligjore, Administratën Publike dhe të Drejtat e Njeriut, ku po shqyrtohej Buxheti i vitit 2025 duke e akuzuar kreun e këtij institucioni Genta Sula:
“U përfshitë në politikë! U keqpërdorët politikisht dhe çështja u shua! A mund të na thoni çfarë po ndodh? U shokua në atë kohë kryeparlamentarja. Taulant Balla lidhi kokën me shami. Kjo vë në pikëpyetje integritetin e këtij institucioni dhe ju nxjerr lehtësisht të keqpërdorur publikisht. Një iniciativë nga ana juaj, pa e kërkuar njeri. E keni shqetësuar Lindita Nikollën ju apo ça është bërë me këtë çështje?!”
Por përgjigja e kreut të Autoritetit për të Drejtën e Informimit mbi Dokumentet e Ish-Sigurimit të Shtetit, Genta Sula, ishte më shumë se politikë e të birit të Kristaqit, dhe gjithë atë rrëmujë që shkaktoi publikimi i një letre të pakuptimitë e cilësoi si çështje që ka ngelur vetëm si debat politik dhe në vazhdim nuk është kryer asnjë verifikim.
“Ne nuk kemi pasur ndonjë kërkesë për verifikim të figurës për personin në fjalë. Në qoftë se do të ketë ne do ta bëjmë!”
Ndryshe, ishte korriku i vitit 2022 ndërsa Kryetari i Partisë Demokratike, Sali Berisha, zbuloi se “spiuni I.M.” për të cilin Autoriteti për Informimin mbi Dokumentet e ish-Sigurimit të Shtetit pretendonte se ishte Ish-Presidenti Ilir Meta, se në fakt është Ilir Murati nga Librazhdi, pak minuta më pas ndërsa Berisha po fliste, doli Kryetarja socialiste e Komisionit të Ligjeve, Klotilda Bushka, për të bërë të ditur se Partia Socialiste, do të ndërmerrte nismën ligjore për ndryshimin e ligjit për verifikimin e personave pavarësisht nëse kanë ose jo një çertifikatë të mëparshme pastërtie.
“Rastet flagrante dhe shqetësuese të pasqyruara në shkresën informuese të Autoritetit drejtuarKuvendit të Shqipërisë, ku figura të rëndësishme të shtetit të pajisur me Çertifikatën e pastërtisë së figurës në fakt rezultojnë në dokumentat e krijuara të ish-Sigurimit të Shtetit, kërkojnë një adresim dhe reagim të menjëhershëm.
Transparencë e plotë për këto raste duhet të kryhet dhe pengesat apo boshllëqet në legjislacionin ekzistues duhet të adresohen me qëllim zbardhjen e të vërtetës sipas vlerave demokratike të drejtësisë si përgjegjësi për brezat e ardhshëmpormbitë gjitha detyrim për ata që vuajtën nën regjimin e kaluar,” tha Klotilda Bushka për një proces që vetëm transparencë nuk kishte dhe një kërkesë ligjore të Autoritetit të Dosjeve që në shërbim të partisë dhe Sigurimit të Shtetit harron se ai është për informuar dhe jo sajuar Dokumentat e ish-Sigurimit të Shtetit.
