Rusia i ndërprenë furnizimin me gaz Austrisë, por jo pjesës tjetër të Evropës

Kompania ruse e gazit, Gazprom, sot ka vazhduar furnizimin e rregullt të sasive të kontraktuara në Evropë përmes Ukrainës, por i ka ndërprerë furnizimin kompanisë energjetike austriake, OMV, disa orë pasi Vjena zyrtare bëri të ditur se Rusia e ka paralajmëruar për ndërprerjen e furnizimit me gaz.

Rusia e cila para luftës në Ukrainë ishte furnizuesi më i madh i gazit në Evropë, ka humbur gati të gjithë blerësit në kontinent pasi Bashkimi Evropian ka vendosur të ulë varësinë e saj nga enegjentët rus, dhe në vitin 2022 shpërtheu gazsjellësi Rrjedhja Veri deri në Gjermani!

Gazsjellësi “Vëllazëria”nga epoka sovjetike, është njëri ndër gazsjellësit e fundit në Evropë i cili kalon përmes Ukrainës, dhe do të mbyllet deri në fund të këtij viti meqë Kievi nuk dëshiron të vazhdoj kontratën pesëvjeçare mbi tranzitin përmes të cilit gazi nga Siberia veriore furnizon Sllovakinë, Çekinë dhe Austrinë.

Ndryshe, dje Austria ka konfirmuar se Moska e ka informuar se duke filluar prej sot do të ndërprejë furnizimin me gaz pas vendimit të arbitrazhit, sipas të cilit, Gazprom duhet ti paguaj OMV-së 230 milionë euro për shkak të furnizimit të parregullt dhe ndërprerjes së plotë të gazit drejt Gjermanisë.

Agjencia Rregullatore e Austrisë për Energjetikë, E-Control, sot deklaroi se furnizimi me gaz nga Gazpromi është ndërprerë në orën 06:00, duke shtuar se çmimi dhe furnizimi me gaz për konsumatorët austriak është stabël. OMV mendon të likuidohet me Gazpromin duke mos i paguar sasinë që do ta merr përmes Ukrainës.