Dialogu Kosovë-Serbi, takimi i radhës më 17 dhjetor

Takimet e radhës në kuadër të procesit të dialogut Kosovë-Serbi do të zhvillohen me 17 dhjetor. Lajmin e ka konfirmuar Këshilltari i Zv/Kryeministrit Besnik Bislimi, Klisman Kadiu,

Ndryshe, I dërguari i Bashkimit Evropian për dialogun Kosovë-Serbi, Miroslav Lajçak, ditë më parë ka bërë të ditur se takimi i ardhshëm mes kryenegociatorit të Kosovës, Besnik Bislimi, dhe atij të Serbisë, Petar Petkoviç, do të mbahet në muajin dhjetor.

Miroslav Lajçak përmes një postimi në rrjetin social Facebook ka vlerësuar se dy javët e fundit kanë qenë produktive dhe me vizita. ndërsa është angazhuar në diskutime të rëndësishme mbi dialogun dhe rrugën përpara.

“U angazhova në diskutime të rëndësishme mbi dialogun dhe rrugën përpara. Këto biseda janë kritike në formësimin e punës që po bën ekipi im ndërsa përgatitemi për takimin e ardhshëm të kryenegociatorëve në dhjetor,” u shpreh I dërguari i Bashkimit Evropian për dialogun Kosovë-Serbi, Miroslav Lajçak, duke përfunduar:

“Pres me padurim periudhën e ardhshme!”