Dita e Pushtimit Komunist, Edi Rama nuk ndryshon historinë por autorët!
Në përpjekje për rehabilitimin e një periudhe të rëndësishme dhe shumë të diskutueshme të popullit shqiptar, Kryeministri Edi Rama në 80 vjetorin e Çlirimit të Shqipërisë së partisë së tij kriminale, sjell jo një histori ndryshe por autor ndryshe të kësaj historie ku mjaftohet të mos jenë Paskal Milo e Pëllumb Xhufi, ndërsa studimin “Të gjithë të rënët e Luftës së Dytë Botërore” ia besoi Akademisë së Studimeve Shqiptare!
Dhe, siç vepruan me revolucionin kriminal të vitit 1997 kur ende nuk është thënë se kush e organizoi por sa ishin të vrarë, edhe sot me autorët e rinjë pa Paskal e pa Pëllumb, shqiptarëve u flitet për numrin e të vrarëve në luftën e dytë botëre dhe nuk iu bëhet e qartë me fakte, çfarë do thotë “ishim në anën e duhur” kur pas “Ditës së Çlirimit” shqiptarët ishin më keq se kurrë më parë!
Historianët e diktatorit Enver Hoxha na folën për 80 vjet se ishim “në anën e duhur” dhe me homazhe në Varrezat e Dëshmorëve të Kombit nderuan ata që sollën çlirimin, por nga dita kur filloi zyrtarisht ky Çlirim i Shqipërisë, në tokën shqiptare nuk u pa çlirimi por Ferri!
Historianët e Edi Ramës mund të vazhdojnë të na flasin se ishim “në anën e duhur” dhe Kryeministri i tyre të bëjë homazhe në Varrezat e Dëshmorëve të Kombit, por, duhet të sqarojnë popullin pse quhet Ditë Çlirimi dita e largimit të pushtuesit gjermanë dhe instalimit të pushtuesit serbë!
Dhe jo vetëm kaq! Pse u bëmë më keq pasi u çliruam nga fashistët gjermanë, dhe pse e humbëm Kosovën! Nëse ata mjaftohen me faktin se fashizmi u përqafua në këto anë, përveç bërjes nul të vendimeve të Konferencës së Bujanit, duhet të sjellin fakte pse Rumania që “nuk ishte anën e duhur” përveç se humbi “Kosovën e saj”, Besarabinë, sot është ku e ku më përpara se Shqipëria, madje është edhe anëtare e Bashkimit Evropian!
Deri sa të sqarohet kjo situatë, dhe Edi Rama me të ngjashmit vazhdon të nderoj kriminelët komunistë në 29 Nëntor, lista me numrin e të rënëve nuk ndryshon asgjë në historinë e Shqipërisë pavarësisht se kush është autor i kësaj historie, historianët e diktatorit Enver Hoxha apo Edi Rama!
Dhe, deri sa të sqarohet kjo siutatë, nëse ka për çfarë të sqarohet përveç se në kokat e atyre që janë marrosur nga komunizmi dhe quajnë luftë çlirimatre dhe jo siç ishte civile, shqiptarët do ta lexojnë këtë histori duke e pasur parasysh ashtu siç e ka shkrimtari i njohur francez dhe fitues i Çmimit Nobel, Anatole France, se “librat e historisë që nuk kanë gënjeshtra, janë jashtëzakonisht të mërzitshme”, dhe me plotë të drejtë do ta quajnë 29 Nëntorin, ashtu siç e përjetuan vetë:
Dita e Pushtimit të Shqipërisë!
