Seancë plenare, Buxheti 2025 dhe lideri i opozitës në Parlament

Sot Parlamenti i Shqipërisë në rrethana të një parlamenti normal do ishte me seancën më të rëndësishme të vitit ku pritet të miratohet buxheti i shtetit, por meqë me ndryshimet kushtetuese ai miratohet me shumicë të thjeshtë, sot rëndësinë e tij e shton vetëm rikthimi i liderit të opozitës, Sali Berisha, pas 11 muajve, të cilit Edi Rama dhe SPAK-u i Partisë Socialiste i mohoi jetën parlamentare duke e privuar me masën “arrest shtëpie”!

Ndryshe, buxhetin me 8.2 miliardë euro dhe 3.9 për qind të rritjes ekonomike, Kryetari i Partisë Demokratike e ka cilësuar si buxhet të vjedhjes ndërsa amendamentet e PD që u artikuluan edhe në takimin e djeshëm të ekspertëve parashikohen ta kenë sot fatin si në seancën e 19 Nëntorit, ku Buxheti i vitit 2025 i dekoruar me fjalime rutinë të komunistëve të Edi Ramës për 48 orë, amendamentet e opozitës jo vetëm që nuk u votuan por u përbuzën, sepse në parim ata ishin mobilizuar me 75 vota dhe kishin parasysh 22 deputetë të pranishëm në sallë që nuk do të marrin pjesë në votim, dhe me asnjë papritur me 40 vota kundër e kaluan buxhetin ashtu siç e kanë planifikuar edhe sot.

Prezenca e Kryetarit të Partisë Demokratike, Sali Berisha, do të ndryshoj rrjedhën ku qytetarët do dëgjojnë idenë ndryshe të opozitës ndërsa pjesa tjetër e seancës do të jetë ajo që e ka projektuar Skënderbeu i Spiropalit, nën mbikqyrjen e Mamicës!

Kështu seanca e sotme parlamentare do të ketë Rend të Ditës:

SEANCË PLENARE PUBLIKE
E martë, 3 dhjetor 2024, ora 10.00
RENDI I DITËS
Në mbështetje të urdhrit nr. 83, datë 27.11.2024 të Kryetares së Kuvendit, znj. Elisa
Spiropali, rendi i ditës është si më poshtë vijon:

1.Miratimi i procesverbaleve të seancave plenare të datave 14.11.2024, 18.11.2024,
19.11.2024 dhe 25.11.2024.
(Neni 44, pika 2, të Rregullores së Kuvendit)

2. Njoftime
(Neni 44, pika 3, të Rregullores së Kuvendit)

3.Projektligj “Për buxhetin e vitit 2025”.
(Në mbështetje të neneve 78, 83, pika 1, dhe 158, të Kushtetutës, të nenit 30, të ligjit
nr.9936, datë 26.6.2008, “Për menaxhimin e sistemit buxhetor në Republikën e
Shqipërisë”, të ndryshuar dhe nenet 55, 84 të Rregullores së Kuvendit, shumicë e
thjeshtë votash për miratim) .
Shprehet Komisioni përgjegjës për Ekonominë dhe Financat.
Koha e votimit

2,Diskutime për çështje jashtë rendit të ditës.
(Në mbështetje të nenit 45 të Rregullores së Kuvendit: Çdo deputet mund të flasë jo
më shumë se 5 minuta dhe nëse diskuton në emër të grupit parlamentar, jo më shumë
se 8 minuta. Koha e diskutimeve për çështje jashtë rendit të ditës nuk mund të jetë më
shumë se 60 minuta.)