Kremlini e bënë të ditur se kur do të përfundoj operacioni special ushtarak në Ukrainë

Kremlini ka bërë të ditur se lufta në Ukrainë do të vazhdoj deri sa me aksionin ushtarak ose negociata nuk përmbushen qëllimet që i ka caktuar Presidenti Vladimir Putin.

Putin kërkon që Ukraina të heq dorë nga ambiciet e anëtarësimit në NATO dhe të tërhiqen plotësisht nga katër rajonet që Rusia i konsideron të vetat.

Këto kushte Kievi i ka hedhur poshtë duke i konsideruar si të barazvlefshme me dorëzimin e shtetit.

“Operacioni special ushtarak do të përfundoj kur të përmbushen të gjitha qëllimet që janë përcaktuar nga Presidenti dhe Komandanti i Përgjithshëm. Këto qëllime mund të dalin si rezultat i operacionit special ushtarak ose negociatave relevante,” tha zëdhënësi i Kremlinit, Dmitrij Peskov.

Peskov me këtë rast konfirmoi se se për momentin nuk po zhvilloheshin kurrfarë bisedime në mes të dy palëve sepse “pala ukrainase ka refuzuar bisedime të këtij lloji”.

Presidenti i Ukrainës, Volodymyr Zelenskyy, dje ka folur për zgjidhjen diploamtike si përfundim i luftës dhe theksoi vendosjen e trupave të huaja në Ukrainë deri sa ka vend nuk anëtarësohet në NATO.