Serbët kthehen me grafite luftarake në veri të Mitrovicës, nisin hetimet

Sot kur Serbia dhe Presidenti i saj Aleksandar Vuçiç e kanë të qartë se nuk kthehen dot më në veri të Kosovës me banda kriminale, filluan me propagandë ashtu sikur se krimineli Slobodan Milosheviç me slogane terroriste serbe që i prinë masakrave në Kroaci, Bosnje Hercegovinë dhe së fundi Kosovë me “4 S” e famshme: Samo Sloga Srbina Spašava!/Lexo shqip: Vetëm Bashkimi Shpëton Serbin!/ në mënyrë që të përgatiten për një marshim të mundshëm dhe ndoshta edhe të fundit në prag të fushatës zgjedhore në Kosovë!

Policia e Kosovës zbuloi këtë simbol në veri të Mitrovicës pas nj denoncimi dhe filloi hetimet:

“Ankuesi mashkull kosovar, ka raportuar se  në murin e muzeut kishte vërejtur  një grafit, i shkruar me ngjyrë të zezë, katër simbole  ‘’C’’ (cilirike) po ashtu edhe në brendi të objektit kishte vërejtur një grafit të ngjashëm.  Lidhur me rastin është njoftuar prokurori, rasti nën hetime,” thuhet në raportin e Policisë së Kosovës.

Ndryshe, grafite serbe me përmbajtje antishqiptare nuk janë risi në veri të Kosovës, por shfaqja e tyre në prag të zgjedhjeve të 9 Shkurtit 2025 paraqet një rrezik të madh, që për Policinë e Kosovës dhe vetë Qeverinë që nga heqja e targave vazhdon të trajtohet si “rrezik permanent” nga Serbia.