Në Bondsteel, Hovenier: Të nderuar që Osmani me familje u bashkuan për të festuar Krishtlindjen 

Duke uruar festat e fundvitit, Ambasadori i Shteteve të Bashkuara në Prishtinë, Jeffrey Hovenier, tha se ndihet i nderuar që Presidentja Vjosa Osmani, bashkë me familjen e saj iu bashkuan në kampin Bondsteel për të festuar Krishtlindjen me ushtarët e SHBA dhe NATO-s që shërbejnë larg familjeve të tyre dhe kontribuojnë çdo ditë për një Kosovë paqësore dhe të sigurt.

“Laura dhe unë ishim të nderuar që Presidentja Vjosa Osmani dhe familja e saj na u bashkuan në kampin Bondsteel për të festuar Krishtlindjen me ushtarët e SHBA-së dhe NATO-s që shërbejnë larg familjeve të tyre dhe që kontribuojnë çdo ditë për një Kosovë paqësore dhe të sigurt,” tha Ambasadori amerikan Hovenier përmes rrjetit social duke e shoqëruar me ca foto nga ky festim në Kampin Bondsteel ndërsa përundoi:

“Urime festat e fundvitit të gjithëve që festojnë në Kosovë dhe në mbarë botën.”