VIDEO/ Jahti i oligarkut rus ndalet në Sarandë, ja arsyeja…

ZCEU9, një prej jahteve më luksozë në botë me flamur të ishujve Bermude dhe pronar rus, ka prekur ujrat e Portit të Sarandës, një vit pasi është ndërtuar.

Jahti që ka ngjallur kuriozitet të lartë është 144 m i gjatë dhe 25 m i gjerë dhe udhëton vetëm me ekuipazhin prej 15 anëtarësh. Arsyeja e zbarkimit në Sarandë është për t’u furnizuar me naftë.

Anija do të blejë 840 mijë litra naftë në portin shqiptar. Deri tani, 36 autobotë nafte kanë filluar shkarkimin për furnizimin e anijes. Furnizimi pritet të vazhdojë deri në orët e mëngjesit.

Kjo ishte ndalea e parë ndërkombëtare që jahti luksoz me pamje të pazakontë kryen që pas regjistrimit të tij në portin e Hamiltonit.

Jahti i përket një oligarku rus, që sipas Departamentit të Shtetit të SHBA-së është një njeri i presidenti të Rusisë, Vladimir Putin.

Edhe pse vetëm 46 vjeç, Andrey Melnichenko është një ndër njerëzit e pasur të Rusisë të cilët kanë lidhje me Putin dhe janë të padëshirueshëm.

‘Jahti më i madh në botë sot në gjirin e Sarandës. Deri pak vjet përpara as mund të imagjinohej fluksi i jahteve që po vizitojnë këtë sezon Shqipërinë’, shkruan Edi Rama në Instagram.